 |
Questa pagina è stata trascritta e formattata, ma deve essere riletta. | |
| 188 | canti popolari |
Tiniti l'occhi ’n celu e su’ sireni,
Abbattinu lu venta e la furtura;1
A ssi capiddi 'na scocca cummeni,
Ed a ssi trizzi, e po’ ’n testa ’na crûna;
Havi pacenza cu’ bedda si teni:
’Mmenzu li stiddi vu’ siti la Luna. (Camporeale).
*
27. Haju saputu ca la Morti veni,
Tutti li beddi si veni a pigghiari;
Tu, ca si' bedda, mèntiti ’n pinseri;
Ssi to’ biddizzi a cui li vô’ lassari?
Nun li lassari all'omu sfrattidderi,
Ca si li cancia pi oru e dinari;
Lassali a mia, ca sugnu arginteri,
Ca ti li ’ncartu ’ntra li carti rari. (Cefalù).
*
28. La prima vota ca jisti a la missa
Lu populu di tia si spavintau;
Quannu pigghiasti l’acqua biniditta,
Lu tettu di la crèsia trimau;
Lu ciacerdotu ca dicia la missa,
Sintennu dd’attirruri si vutau.
Figghia, cui ti li dètti ssi biddizzi?
— Mi li dètti ddu Ddiu ca mi criau. (Carini).
*
29. Tu fusti scritta a la banca di l’oru,
Unni tridici Re munita fannu;
- ↑ Furtura, temporale.
