Pagina:Pitrè - Canti popolari siciliani I, 1891.djvu/223

BELLEZZE DELLA DONNA

197

Du’ cosi si mintùanu a stu munnu:
La tò billizza e lu stili d’Urlannu¹
(Casteltermini).

*

47. Lu Re munarca di la Barbarìa,
Mannari cci vuleva ’na ’mmasciata.
Vanu circannu spersi pr’ogni via,
Unni è sta bedda Maruzza chiamata:
Mi dissinu ca è ’ntra ’na batia,
Iu fari cci vuleva ’na parrata:
Idda assimigghia a Santa Rusulia,
Ghidda ca ’ntra Palermu è ammuntuvata.
(Siracusa).

*

48. Sugnu vinutu di luntana via,
L’haju acchianatu ’na granni muntata,
Pi li billizzi di vossignuria
L’haju acchianatu ’na granni muntata.
aviti l’occhi di ’na vera Ddia,
Li capidduzzi di la ’Mmaculata;
E biniditta vostra mamma sia,
Ca v’ha ’nsignatu pulita e aducata! (Palermo).

*

49. Sì’ cciui di ’na stidda e siciliana,
Mi ammaragghi² li räi di lu suli;
Quantu ’razii t’ha datu Diu divinu:
Virginitati e ciàru d’amuri³.

1. Una lezione di Palermo dice la spata d’Orlannu.
2. Ammaragghiari, in Noto, oscurare.
3. Ciàru d’amuri, odore; aura d’amore. Delicatoǃ