 |
Questa pagina è stata trascritta e formattata, ma deve essere riletta. | |
| 198 | CANTI POPOLARI |
Siti comu ’na rosa di jardinu,
Ca di luntanu tu senti l’oduri,
Sugnu vinutu ccà giuvini finu,
E pi vìdiri a vui lu tantu amuri. (Noto).
*
50. ’Ntra un guottu d’oru stà la tò billizza:
Du’ cannola d’argentu li to’ vrazza 1;
Puru tò 2 mamma cu tanta grannizza,
Lu cori a cu’ lu duna a cu’ lu strazza.
Vu’ scritta siti a li libbra d’altizza,
Palermu puru ni teni la chiazza;
Iu sugnu un omu, pi la tò billizza,
Ca vaju a Roma e ti cci portu ’mmrazza 3.
(Casteltermini).
*
51. Ucchiuzzi beddi, ca mi fai muriri,
Vuccuzza, ca mi fai ’mparadisari;
Si nni ’ncuntramu, l’arma mi la tiri,
Ora pensa nn’avìssimu a parrari!
Tu si’ cartuzza di chidda gintili,
E vampa ca mi fai vampuliari.
Sai chi ti dicu, Rusidda gintili?
Statti schetta pir mia, ’un ti dubbitari 4.
(Caltavuturo).
- ↑ Vrazza o brazza, plur. di vrazzu, braccio.
- ↑ Tò, per tuo, tua.
- ↑ Nei canti del Salomone-Marino, n. 75, mancano i versi 5-6.
- ↑ Variante più bella, edita da me per le Nozze Siciliano- Villanueva:
Hai un occhiu nigru ca mi fa’ ’mpazziri,
Bedda, ca ’n passioni mi fai stari,
Nu nni parramu mai, l'arma mi tiri,
Va vidi si nn’avissimu a parrariǃ
