 |
Questa pagina è stata trascritta e formattata, ma deve essere riletta. | |
| AMORE, BACI | 241 |
*
157. Bedda, p’amari a tia mi fazzu terra,
E pi l’ amuri tò, crita e rimarra1;
Chiavuzza di stu cori ferma e sferma.
Gigghiu d’amuri ed arvulu di parma.
Bedda, ca ss’occhi toi su’ petra ferma,
Nun sàcciu si stu cori mio si ’nganna;
Ora, curuzzu, è finuta la guerra,
Amàmunni nu’ du’ e cu’ parra parra. (Palermo).
*
158. Navicu a menzu mari lentu lentu,
Navicu pi pigghiari pisci assai;
Pi sorti si smuviu lu malutempu,
E pisci mancu unu nni pigghiai.
Mi l’haju a fari un àmmaru2 d’argentu,
Ammenu pi pigghiari pisci assai.
Nni pigghiai unu ca passò pi centu,
Lu tempii persu mi lu guadagnai. (Palermo).
*
159. Sutta un arcu d’amuri mi firmaju3
Quannu mi vitti a lu latu di vui;
Mi paristivu bedda, e iu v’amaju,
Lu geniu ca m’ha fattu fu cu vui;
Quannu ssa bianca manu vi tuccaju
Nun appi abbentu e nun durmiju cchiui. (Alimena).
