Questa pagina è stata trascritta e formattata, ma deve essere riletta. |
242 | CANTI POPOLARI |
*
160. Arsira cci passaju di ’na banna,
E vitti a Maddalena ca durmia:
Era curcata ’nta un lettu di parma,
Pri chiumazzeddu li vrazzudda avia;
Si vu’ la sdruvillati, idda si spagna1:
Iu la sdruvillu cu li modi mia. (Alimena).
*
161. Lu marinaru addisia ’na varca,
Ed ogni portu ’na navi pumpusa;
Lu bon surdatu addisia ’na spata,
Nun si ni cura siddu è rancidusa;
Lu maritatu addisia chi basa
Li dui masciddi russi a la sò spusa,
E iu l'amaru addisiu ’na casa
Cu ’na picciotta schietta murritusa2. (Alcamo).
*
162. Assira mentri java a la Marina,
Vitti l’amanti mia chi si ’mmarcava;
Gei scìddica lu pedi ’ntra la rina,
A ’n’autra antìcchia a moddu si nni java 3.
’N testa cci aveva un velu di riggina,
E ’nta lu pettu ’na stidda purtava;
Viva Palermu, Napuli e Missina!
E viva chidda ch’io sempri circava! (Palermo).