Pagina:Pitrè - Canti popolari siciliani I, 1891.djvu/320

294

CANTI POPOLARI

*

288. Quannu nascisti tu, làdia bruttazza¹
Cci fuoru cento negghi e trimulizzi²;
Lu Suli s’annigghiau cu ’na nigghiazza,
E lu risinu cadia stizzi stizzi³. (Polizzi).

*

289. Adaciu adaciu, nun parrati cchiui,
No, nun parrati cchiù supra di mia,
Ssi palureddi ch’âti dittu vui,
Hannu arrivatu a la pirsuna mia.
Picciotti cci nn’è assà’ megliu di vui,
E fìmmini cci nn’è megliu di mia.
Vu’ vi pillati a cu’ vi piaci a vui,
E iu mi pillu a cu’ mi piaci a mia. (Alimena).

*

290. Tò patri è un aciddazzu senza pinni,
Tò matri lavannara di tant’anni:
Perciò ssu Ddò⁴ a tia dunni ti vinni,
Di Terranova o di Castrugiuvanni?⁵ (Alimena).

*

291. Vinni a lodari sti bruttizzi toi:
La prima cosa li brutti capiddi;

1. Bruttazza, bruttaccia.
2. Trimulizzu, qui nel significato di tremuoto.
3. Più cupa non potrebb’essere la descrizione dell’universo al nascere della donna alla quale è diretto il canto.
4. Ddò, Don, titolo in Sicilia comune anche alle persone del basso ceto.
5. Ha molta affinità cogli altri versi:
        Tu chi si’ flgghia di qualchi baruni,
        nata eri ’nta ’na signuria?