Questa pagina è stata trascritta e formattata, ma deve essere riletta. |
GELOSIA, CORRUCCI, RICONCILIAZIONE | 303 |
*
313. Jisai l'occhi e taliai lu mari,
Vitti ’na navi di milli culuri;
’Siennu la vitti, nun potti abbintari1,
Su’ tutta vampi, su’ tutta 'n arduri.
Nni lu pittuzzu purtati spicchiali,
Nni li manuzzi stinnardi d’amuri;
Sugnu vinutu pi la paci fari.
Cori vitturiusi e vinci amuri. (Noto).
*
314. ’N capu ’na rosa mi susu e m’assettu:
Tuttu l’oduri sò pi mia fu fattu;
Ora s’hâ’ amari a mia, m’hâ’ amari rettu:
Sana li granni chiaj chi m’ha’ fattu. (Palermo).
*
315.’ Mi paristi un galofaru sblinnenti,
Mi nn’allegru, ti sentu ammuntuari;
Tu ti 'ncagnasti, ed io ’un ti fici nenti,
Chista è cosa ca si pò accummudari.
Ati fattu par rari a tant’aggenti:
Lu nostru amuri ’un si pò disamari.
Ora, curuzzu, stati allegramenti
Io su’ petra rubbina e vu’ damanti. (Palermo).
*
316. Bedda chi mi cadisti di lu cori
Comu un panaru di mènnuli amari,
Ti nn’haju a dari assà’ peni a ssu cori
P’anzina chi ti fazzu ’mpustimari2. (Alcamo).