Questa pagina è stata trascritta e formattata, ma deve essere riletta. |
CAPITOLO VIII.
MATRIMONIO.
317. — Marteddu1 dissi ca m’hê maritari,
Ca sugnu un ocidduzzu di valuri.
— Fillu, sti spisiceddi ’un li pô’ fari,
Ca iu l'hê aviri l’ajutu ê lavuri;
Arresta la favata2 ch’haju a fari.
— Pirchi vi vinni ora tanti primuri?
Sempri schettu cu vui pozzu ristari
Pri starivi a lu latu di tutt’ uri? (Alimena).
*
318. Cu’ frabbicò sta casa fu un gran mastru,
E cu’ la fici fu un veru maistru;
Li trava sunnu fini e su’ d’agghiastru3,
Lu tettu cu li mura d’arcimistru;