Questa pagina è stata trascritta ma deve essere formattata o controllata. |
6 CANTI POPOLARI
A-la-vò, dormi ed abbenta:
Voli la naca ’mmenzu l’amenta.
A-la-vò, ca dormi e chianci:
Voli la naca ’mmenzu l’aranci.
A-la-vò, ca dormi e riri,
Voli la naca ’mmenzu l’alivi.
A-la-vò, dormi e riposa;
Voli la naca ’mmenzu la rosa 1.
E a-la-vò. {Palermo).
737. E a-la-vò, voli li canti,
Comu li figghi di li mircanti;
Voli li canti e li canzuni
Comu li figghi di li baruni.
E a-la-vò. (Palermo).
738. E a-la-vò, lu Santu passau,
E di sta figghia mi nni spiäu;
E a-la-vò, passau lu Santu,
E di sta figghia mi nni spïò tantu: 2
Io cci dissi ca durmía:
— Durmiti, figghia, ed a la vogghia mia.
E ’u Santu passau a bintun’ura:
— Durmiti, figghia, ch’ancora ’un è ura.
E a-la-vò. (Palermo).
739. Durmiti, figliu, cà la naca è nova,
D'oru li cordi e d’argentu li chiova;
1 Variante di questo verso: Sutta un arvulu di rosa. 2 Cioè: mi domandò se questa bambina avesse preso sonno.