Pagina:Rime.diverse.in.lingua.genovese.Bartoli.Pavia.1588.djvu/85

Da Wikisource.
Jump to navigation Jump to search
86 RIME


SE per Mario ti me piggi mie
Vn bello tempo inseme se daremo,
E ro to con ro me voggiando tie,
4Inseme tutto quanto meschieremo,
E crescie tanto ro faremo chie
Ch'in pochi meixi noi l'addoggieremo,
Che stago sodo, e tegno à cha ra testa
8Ni derrè vaggo à quella brutta, e questa.


SE ti mi piggi infin bella Fantinna
In man tutto ro mè te voggio mette,
E à cha te porterò ra borsa chinna
12E sempre te farò mille fraschette,
E ra tò dotta chi aura è picchieninna
T'accrescierò, si me parrà che tette,
Si te farò portà ra coa assie
16Derrè ra roba como s'usa chie.


DEntra fontanna d'unna Garzonetta
Vossi beiue l'atrè per refrescame,
Chi m'arui ta canà dra fontanetta
20Perchè ra sea megio poesse trame,
Ma in cangio de beiue egua fresca e netta
Amò dentra mesma egua fè bruxame,
Quà donca trouerè seguro logo
24Se dentre l'egua asconde Amò ro fogo?