Pagina:Rime.diverse.in.lingua.genovese.Bartoli.Pavia.1588.djvu/97

Da Wikisource.
Jump to navigation Jump to search
98 RIME


13Quando a ra notte un spegio pà ro Cè
Tutto depento, e recamaou de Stelle,
Me pà de ver derrè
Vei quelle trese belle,
Che ri frexetti sò,
Re scioi, ri pointeiro,
Stelle deuennen dro Sidereo Coro,
Como han tocao quelli cauelli d'Oro.

14E quando veggo po ro Sò leuaou
Chi sciuga ra Rozà ch'è sù l'herbetta,
Ro Cè netto, e spassaou
Srnza unna Nuueretta,
Ra chiera vei me pà
De quella dexirà,
Chi esce de casa inseme con so Moere
E fa luxi ro Mà, ra Terra, e i Ere.

15In concruxon, quando mi vego, ò sento
Fiume, Erco, Eclipse, Oxelli, Bosco, Praou,
Sò, Luna, Stelle, Ventò,
E Lampi, e Mà astriaou,
Ro Polo, e l'Oriente,
Ro Mezzodì, e Ponente
E ogni atra cosa bella in Terra e in Cè,
Me pà che l'hagie dentro i ogi lè.