Pagina:Stóries e chiánties ladines.djvu/61

Da Wikisource.
Jump to navigation Jump to search


Só chiaval, dĕ san Iòrz pórtel la sèla,
K'a arpé dal Sant dĕ Brac la parentèla.

In trëi squadres partëš l Bracon l'armada:
Ki k'è dĕ stlóp armá, ki féž la pru̥ma;
Seconda dal Bracon è nominada
Këla, k'á sůl chiapèl cocarda bru̥ma
Ed è armada dĕ fůrchies longies spizes,
Bones da tó l nemic jů dĕ les pizes.

Dĕ ki kĕ portā şables liciorëntes
E vèdles lances fṓ la térza fata.
In lignes bèles longies, mò bëgn strëntes
Comanava l Bracon ki k'ḗ t'na pata:
Diž lignes n'ḗl in důt iló slargiades
Da cincanta òmi l'ůna, bëgn comp'dades.

Con devozion ascòlten spó la mësa,
Kĕ diš iló l bon prò per ëi tĕ dlīža;
I Maròi recomana, scèc an dësa,
Sé instëš al Şior dĕ këla chiaşa griža,
K'è defóra dĕ picera aparënza,
Š'ël nĕ fòs da itĕ Cristo in gran prežënza.

La benedešion dada gienerala
Asegorëia a ki bon' Maròi la vita
In l'ater mon felizĕ ed imortala,
Olá kĕ důt' féž trés e trés bèla ita;
Coragio ciafa inscí la bèla armada
D'èster ten cůrt dĕ gloria coronada.

In movimënt sĕ mët spó les colones,
Vérs Val dĕ Růdo va la gran armada
Sů la sciabla les érmes bèles, bones;
Ki dai stlóp èl k'insëgna la gran strada;
La seconda colona féž les şables,
La térza les gran fůrchies sů les sciables.