Pagina:Vico, Giambattista – Il diritto universale, Vol. II, 1936 – BEIC 1961223.djvu/307

quid ex iure attico in xii tabulas importatum?

565

Iudicia solis occasu intermitti.

[4] Ut sol occasus supremus iurisdictionis et iudiciorum terminus esset romanis. Et iure attico arbitros ad occidentem usque solem sedere Petitus¹ observat. — Ecquis ignorat romanos, uti et graecos, perpetuum diem negociis dare, eoque advesperascente, curare corpora?

TABULA SECUNDA

Suae rei, edam cum caede iniusti, tutela.

[5] Ut fur nocturnus quoquo modo, interdiarius, si se telo defendisset, romanis occidendi ius esset. Idemque ius atticis a Solone positum Demosthenes, Adversus Timocratem², docet. — Igitur, quando idem ius positum hebraeis est, ut legum mosaicarum parlator cum romanis confert³, dicemus Solonem accepisse ab hebraeis, quo tempore, nedum hebraeos, sed ne assyrios quidem, quinam essent graeci ignorabant, ut supra demonstravimus?

TABULA OCTAVA

Ne privatorum pacta reipublicae noceant.

[6] Ut romanis sodalitiis leges, quas vellent, sibi ferre liceret, modo publicis legibus contrarine ne essent. Et a Solone idem cautum habetur apud Salmasium⁴ et Petitum⁵. — Ecquae respublica tam rudis ac barbara usquam est, quae non id cavet, ut collegia reipublicae serviant, non pugnent, neve adeo dominentur?

1. Op. cit., ristampa del 1742, p. 336 [Ed.].
2. Pagg. 635 6 [Ed.].
3. Collatio legum mosaicarum et romatiarum, VII, 1 [Ed.].
4. Op. cit, p. 53 [Ed.].
5. Op. e ristampa cit., p. 427 sgg. [Ed,].