Poesias (A. Tuor)/12
 |
Questo testo è da formattare. | |
Alphons Tuor - Poesias (1913)
Il matg
| ◄ | 11 | 13 | ► |
Il matg.
(Nach Annalas, S. 202, 1899.)
Savens jeu tratg
Tut contristaus:
O mo sch' il matg
Fuss arrivaus!
5 Sin tuts ils urs
Sin crests, e fops,
Lur' anfl' ins flurs,
Verdins e pops!
Pertut utschals
10 Lur ein allerts,
En plauns e valls
Els fan concerts!
Puspei udin
Lur' enzacu
15 Il clom carin:
Cucu, cucu!
A quolm lu mein
Cun ardimen,
E legher stein
20 Cun grom' e pen:
Savens jeu tratg
Tut contristaus:
O mo sch' il matg
Fuss arrivaus!