Poesias (A. Tuor)/14

Da Wikisource.
Il lungatg matern

../13 ../15 IncludiIntestazione 26 febbraio 2016 50% Da definire

13 15

Il lungatg matern.

(Nach Annalas. S. 211, 1898.)

Gl' affont ch' ha strusch sil mund il viadi fatg,
Da sia
muma „aunghel“ vegn numnaus;
E lur' en quort en siu carin lungatg
Gl' affont rispunda, „muma“ tut beaus.
5 El ri, termaglia, crescha, cun il latg
De sia muma di per di tezzaus,
E mintga di in legher niev pertratg
Exprim' el alla muma plein quitaus.
O siara ferm, affont, en tiu intern
10 Ils plaids che tia muma ha mussau,
Ti stos els carezar — dal best matern
Has ti quels tuns plein harmoni' artau.
Romonsch, er' ti tegn l' jerta de tes vegls
En ault' honur, sco poppa de tes égls!