Poesias (A. Tuor)/33
 |
Questo testo è da formattare. | |
Alphons Tuor - Poesias (1913)
Canzun d' ujara
| ◄ | 32 | 34 | ► |
Canzun d' ujara.
(Nach Annalas, S. 146, 1901.)
Udis il clom en la vallada:
Si, si, vus umens dils cumins!
La libertat ei smanatschada,
Igl inimitg ei sils confins!
5 Navent, signun, dalla caldèra,
Uss tilla, pur, la faultsch giun plaun,
Lai star, nursèr, la montanèra,
Dabot las armas enta maun!
Nos catschadurs la salvischina
10 Lain sin la pezza mai mitschar;
Cun egl sigir san quels adina
Il cor digl inimitg tuccar!
Ils montagnards van sco la bova,
Tut a sfraccond en il combat.
15 O paupra gl' inimitg ch' emprova
De tschuncanar lur libertat!
Fontana muoss' a nus la via
Atras il fiug dils battagliuns,
Plitost la mort che sclaveria,
20 Ei la parola dils Grischuns!