Poesias (Cadieli)/9
 |
Questo testo è da formattare. | |
| ◄ | 8 | 10 | ► |
Il murdiu.
(Nach Igl Ischi, S. 128, 1900.)
Tier la crusch leu sper la via
Vegn in vegl, sfraccau murdiu;
Cun in schem sefier' a tiara:
O tgei viver, ti miu Diu!
5 Strusch hai jeu vestgiu en veta,
Au' e paun gnanc mintga di;
Schia sai pli ditg ca viver. —
Oh savess jeu oz muri!“
El marmugna e suspira. —
10 Cheu selain udir ils pics
D' in utschi, che stedi petga
Vid il bratsch dil crucifix.
Il murdiu l' egliada aulza,
Gl' utschiet ei prest daven,
15 „Pera sgola“; el mo vesa
Il salvader vid il lenn.
„Co eis Ti nius Spindrader,
Ti has bein giu tribel freid;
E con ditg has vid las guttas,
20 Ti pitiu stenschenta seit!“
Vid la crusch sco cadanada
Ei l' egliad' dil pauper vegl;
Plaun e plaun il frunt sereina,
Larmas roclan ord igl egl.
25 Consolaus el prest sesaulza
Pren sia canna, siu paun setg;
„Tgei dei jeu, il sclav aunc plonscher
Sche per mei endir' il retg!“