Poesias (Cloetta)/4
 |
Questo testo è da formattare. | |
| ◄ | Poesias (Cloetta) | Poesias (Cloetta) | ► |
4. L'erupziun del Nolla.
I. vouta als 16. Avuost 1585; ultima vouta als 15. Lügl 1877.
Che plandschan e claman ils sains: agüd!
Che sbragia e crida la fuolla?
Anguoscha, anguoscha Agüd, agüd
II Nolla vain, il Nolla!
Ed our d'la chavorgia, orribel aspet!
Prorump' üna massa sgrischusa.
Ais aua? ais lava? Ais terr'? in effet
Resposta ais difficultusa.
E saimper as roudla la mass' inavant
Con forza illimitada,
E sdrappa con sai sfraccaschand, rantunand,
93
Tuot que chi's rechatta sün strada.
Que roudla e buoglia e s-chüma contin,
Que sbrüja e sfracha e scruoscha.
L'uman con sa forza el ais a fin,
El po be sbragir: anguoscha!
Qua. ceda la forza, tuot spera darcho;
Ma svelt l'erupziun as repeta;
Con furia d'djmunis que vain suringio,
Tuot salva sa vita in fretta;
Perche dall'urta del elemaint
La punt gia davent ais sdrappada,
Ed uossa l'aua gia maglia suotaint
E vers il comün as fa strada.
Grands tocs della spuonda travuond'il torrent,
Bröls, üerts e curtins svaneschan,
E na be las chasas, dal strepid orrend,
Las fossas svess vacilleschan.
Perc il dragun del vegl Beverin
Amo non ha el avuonda,
La bella planür' alla riva del Rhein
Con sia grav' el inuonda.
Pür lura s'retir' el in seis vegl gnieu
Al pe della granda muntagna ;
Pero per adüna non ha'l dit adieu,
Bainbod bram'el nouva cuccagna.
Intant l'uman amo löng, spaventà,
D'la granda disgrazia el tschantscha;
E della Tumlias-ch' il pajais devastà
Sü vers la muntagna el plandscha.
13. Mai 1907.