Poesias (Cloetta)/5
 |
Questo testo è da formattare. | |
Johann Lucius Cloetta - Poesias (1913)
5
| ◄ | Poesias (Cloetta) | Poesias (Cloetta) | ► |
5. Runcaglia. (Rongellen.)
Idillic löet inmez las muntagnas,
Ün oasi inmez il desert,
D'paraits e da grippa las schlassas chadagnas
At laschan be ün üsch avert.
Inmez la sombrezza d'la Viamala
Tü al ögl est ün lö per posar,
Sco ün retrat inmez üna vöda sala,
Sco ün' isla inmez il mar.
Teis pövel grand trafic ha vis üna jada.
Sur Splüga e St. Bernardin
La via our dalla fertila contrada
D'Italia pro tai gniv'a fin.
Ma hoz suot aint e suot our va la strada,
II muond t'par' avair imblidà ;
Ma tü t'allegrast d'ta pasch bramada
E sömgiast dal temp passà.
14. Mai 1907