Poesias (Derungs)/In petschen tschupi sin la fossa dil poet sursilvan Alphons Tuor
 |
Questo testo è da formattare. | |
| ◄ | Poesias (Derungs) | Poesias (Derungs) | ► |
THOMAS DERUNGS.
Poesias.
In petschen tschupi sin la fossa dil poet sursilvan Alphons Tuor.
(Nach Gasetta Romontscha, Nr. 15, 1904.)
Dalla tuor ils zens plonschevan
En solem serius accord,
Quolms e spundas rebattevan
Igl annunzi d' ina mort
5 Arrivada gia sin l' ura
Allas Musas prematura. —
Sil sonteri en l' umbriva
Della tuor dil petschen vitg
In conduct solem arriva
10 Cun la salma digl amitg,
Cun tschupials d' honur ornada
Per la viarva bein cantada.
Alphons Tuor, tiu num resuna
Dallas levzas de scadin,
15 Ch' enconuscha la fortuna
Digl arcan, sublim destin,
De fixar en poesia
La dolur e la legria. —
Cun amur tei sper la tgina
20 Han las Musas salidau,
Cun favialla zun carina
Tes pertratgs celests dotau:
Tia benedida plema
Ha quels scazis mess en rema.
25 Cantadurs o cantaduras
Ed il chor dils innocents
Contan uss en sontgas uras
Las canzuns — tes testaments!
En „Surselva“ „flurs alpinas“
30 Ein sin fossa flurs carinas.
Mo sur tut vegn la regina
Sur las steilas tei undrar,
In „Magnificat“ adina
Sas ti ussa leu cantar,
35 Alla Mumma benedida
Senza macla concepida.