Poesias (Nay)/18
 |
Questo testo è da formattare. | |
| ◄ | 17 | 19 | ► |
L' Engiadina.
(Nach Annalas, S. 312, 1915.)
Jeu sai d' ina vallada
Sin vegl itsches Grischun.
Da pezs e vals tschinclada,
Romontsch ei leu il tun.
5 Romontscha conservada
Resuna la canzun.
La dunna Lupa conta,
Da temps daditg vergai,
D' amur, curascha tonta,
10 Da halumbarts smanai,
Da spada sanguinonta,
Da pievels domignai.
Aunc oz, cu sil Bernina,
Stempradas fan sgarschur,
15 E cur ch' il pievel smina
D' in inimitg sinzur,
Pertgir' el sia tgina,
Defenda cun vigur.
Las auas tschalattadas
20 Scadeina frestg igl Inn
Tras verdas, loschas pradas.
Sin ferm sulom ladin
Secatsch' el en cascadas
Giud liber tratsch alpin.
25 Defenda la faviala,
Ils … usits, ch' en artai,
La viarva dultscha, biala
Ils tuns ton carezai.
Ladin' ei la nuviala,
30 Ils mieds dils babs cantai.
Aschia, Engiadina,
Fas ti als Grischs honur,
E restas tiara fina
E tschespet de nies pur.
35 E portas da regina
La cruna cun splendur.