Poesias (Pfister)/6

Da Wikisource.
La medunza

../5 ../7 IncludiIntestazione 29 febbraio 2016 50% Da definire

5 7

La medunza.

(Nach Annalas, S. 205, 1909).

Ina damaun de bein mervegl
Sun jeu levaus ed ius sil funs;
Cheu vegn en prescha senza pregl
Dil Clau la Mengia miez a spruns.
5 El piz dil prau sut il tscherscher
Stat ella eri 'von igl êr.
Cun mauns a Diu en devoziun
Di ella spert in' oraziun,
La farcla lu, cul dretg smanond,
10 Tschaff' ell' il graun cul maun brancond.
Per part pusaus e scumbigliaus
Ha el cun forza madirau.
Il dies sturschiu, spert se placond,
Savonza Mengia el cagliom
15 La zeivra schelli e sanaf
E stenda lu la detta brav.
La farcla seglia vi davos,
Al losch spigiam si cramados,
La mein' il piz encunter tratsch
20 E stagl' il strom, ch' ei dat tut sfracs.
Aschia tremblan spigia, strom
E braunc' e braunca vegn curdond
Alzada spert e cun adatg
Vi sil manugl, che speras stat;
25 Vonzei arriva Gion sil prau
E va cullas monas en clavau.
Cagliar, catschar e lu spigiar,
Flurir e madirar e fretg portar
Ei il destin de tuts carstgauns,
30 Tier in dabot, tier l' auter plaun,
Mo la medunza maunca mai,
Er' sch' enqualin a funs ein dai
Ed auters aunc buc engarnai.