Poesias (Sandri)/49
 |
Questo testo è completo. | |
Gian Battista Sandri - Poesias (1907)
49
| ◄ | 48 | 50 | ► |
Questo testo fa parte della raccolta Rätoromanische chrestomathie
49.
| [p. 16] | Aröv dels genituors per lur figlietta. |
(Annalas XVII.)
A te rovains, o Segner bun,
Saimper da cour cun devoziun
Per nossa creatüra.
Cha tü la vögliast benedir
5 E tia grazia conferir
La tgnand in tia chüra.
A tia domanda l’inspirer
Cha tieu comand sapch’observer
Sco eir ch’ell’as creschainta
10 Saimpr’al servezzan tieu divin
Leand ta scritüra da contin
Sün quella spuond’as tschainta.
Sco tuots humauns chi sun guidos
Da Dieu e dad el inspiros
15 Schi fo ch’eir quaista vegna
Il taimpel tieu a frequenter
Sco eir tieu pled sench a tadler,
Al quèl saimper s’attegna.
Gnand ventüraivl’a tia vardet
20 In lungia vita cun sandet
Suainter contentezza
Dad ella svess’et genituors.
L’iglümn’il cel da sias favuors
In saimp’etern’algrezcha!