Poesias (Singer)/4
 |
Questo testo è completo. | |
Gian Singer - Poesias (1907)
Il crepuscul
| ◄ | 3 | 5 | ► |
Questo testo fa parte della raccolta Rätoromanische chrestomathie
| [p. 9] | Il crepuscul. |
Il di ais cler e pür,
Il tschel ün vel blovaint,
Nel quaid e vast azür
Noud’il solagl riaint;
5 Sün chôdas êlas d’ fö
El svoula, svuol’, arriva
Darcho nel solit lö
Inu’ her ans spariva.
Imegna gloriusa
10 Da quel chi t’ho creô,
Cun colur müravgliusa
Il tschel hest pittürô.
D’argient e pür carmin
Hest tint il blov zindêl
15 Distais dal maun divin
Nel immens dom del tschêl.
Ünguott’ais uschè bel
Co tieu frunt cotschen d’or,
Aunz cha la not sün’el
20 Splaia sieu dobel flor.
Crudand quel sopr’il mêr,
Cun l’uond’as giovantand:
Per’allò naviger
In ün bel fö s-chümand;
25 Sieus razs d’ün purpur cler
Svolazzan süllas fluors
Cun ün sorrir taunt cher
Ch’ün smauncha lur coluors.