Poesias II (Pallioppi)/7
 |
Questo testo è completo. | |
| ◄ | 6 | 8 | ► |
Questo testo fa parte della raccolta Rätoromanische chrestomathie
| [p. 15] | Funerel notturn. |
December 1865.
Sains da mort a plaundscher
Commovents udit,
Cur davous la pizza
Il solagl sparit.
5 Ögls, mieus ögls, giodieu
Quel aspet, cridais,
Uoss’intuorn scha tombas,
Bricha vals pü vzais?
E vaschels, na tchimas,
10 Mo vaschels d’argient,
Coronos cun rösas,
Brillan tschient e tschient?
O versè pür larmas,
Larmas viepü!
15 Batta fin tü rumpast,
Cour, mieu cour, eir tü!
Fraidas, s-chüras fossas,
E per chi s’avriss?
Colosselas baras,
20 Che defunts contgniss?
[p. 16] Alla sepoltüra,
Dschè ’m, chi compagnais,
Sains da mort, chi auncha
Uschè trist plandschais?
25 „Di a tieus Consvizzers:
Liberted murit,
Cur davous la pizza
Il solagl sparit.“
„Sainza glüsch celesta
30 Passa quella flur,
Sainza chod benefic
Svampa si’ odur.“
„Di a tieus Consvizzers:
Eir il dret ais mort,
35 Pers a quella gemma
D’uschè rich confort.“
„Brich a nair’intriga.
Brich a füers dispet —
Quel rubin splendura
40 Be al prob e net!“
„Di, cha liquefatta
In vapur smarrit
Eir la fama veidra,
Chi taunt cler glüschit.“
[p. 17] 45 „Brich in ferrovias
As-cher barunants —
Quella perl’acquistan
Be sublims gigants!“
„Di, cha l’egoismo
50 Fraidamaing ho ruot
L’uniun, chi salva
E promov’il tuot.“
„Bricha usurpeders,
Ne patruns granders —
55 Ma quel craunz da stailas
Serr’eguels confrers!“
„Di, cha vila fetscha
Ruzgigliet il gnierv
Da virila forza
60 In acziun e vierv!“
„Murentet il geni
Da virtüd bramus,
Chi scu l’aivla svoula
Ot e maestus!“
65 „Di, cha quels tesoris
Uossa compagnains
Alla sepoltüra
E perquè plandschains.“
[p. 18] E perquè cridaivas?
70 O cridè viepü,
Ögls, mieus ögls! e rumpa,
Cour, mieu cour, eir tü! —