Poesias da divers Aucturs/A mezzanot
 |
Questo testo è incompleto. | |
| ◄ | Poesias da divers Aucturs | 2 | ► |
A mezzanot.
Tuot ais silenzi: — intscherta glüsch refletta
la lüna tristamaing sün la champogna;
e vez, sül fond del tschel, pürissma e netta
la lingia 's disegnar della muntogna.
Sc*in Miniato sulet para vegliar;
e da cosü '1 bun vegl, plain da scufort,
con sia vusch greiva am par' annunzi'ar:
„ün oter di,£ün oter di ais mort!"
As perda il sun nel aier: — splenduraint
intant Fiesole 's mossa: ed in el fixà,
resüsta sü dal cor l'impissamaint,
regordanzas da gloria e 'd libertà.
Sco figls intuorn la mamma, eir oters stan
paiais posats sül spelm della collina:
e 'ls clochers, las baselgias, Settignan
am paran quia portats vi d'Engiadina.
Ma invan eu tscherch, con ögl anzius, la pumpa
d'las superbas da munts ötas chadagnas;
e meis giavüsch dal pet plü ferm erumpa,
per ir vers ils vadrets da mias muntagnas.
Invan tscherch' eu l'inchaunt del majestus
slauntsch della pizza, invan l'alpina flur,
invan il god, ils larschs ed il lamaintus
della cratschla sbragir e dell' oxtur.
Eu t'am, eu t'am, o patria mia! e possa
ün di 'I solai, scorcha raeis cor il spera,
bütschar insembel a raia povra fossa
il cotschen e la crusch da tia bandèra!
Fiorenza, Avril 1886. G. Luzzi, V. D. M.