Poesie friulane/Vilòtis di guère/Autùm
 |
Questo testo è completo. | |
Ercole Carletti - Poesie friulane (1920)
Autùm
| ◄ | Vilòtis di guère - La moróse | Vilòtis di guère - 27 di otùbar | ► |
Autùm.
’O mi acuàrz, in chèst salustri,
ch’al è za rivâd l’autùm,
e tant timp e tante guère
mi semèin dòme che un siùm.
Al sbiançhiassi de montagne
toratòr, ’o sint plui dûl
di duçh chéi che sòn sotiàre,
e par Çhargne e par Friùl;
e m’impénsi di chés maris
che no lassin di sperà,
fórsi che no ur tòrnin çhase,
une dì, co Dio vorà;
e che spiètin, e che ur tègnin
salv il puèst par chèst unviàr,
il lór puèst, da çhâv de tàule
e daùr dal fogolàr.
15 di otùbar 1917.