Prose e poesie bellunesi 2006/Pede n pez
 |
Questo testo è da formattare. | |
| ◄ | XV | XVII | ► |
Gabriele Riva
Pede n pez
Da le barbole vece
de n lares vesin
en scat de vent fret
el sgorla, gelos,
balote de nef
ingiazada, su i ram.
Da sora e da sot
en ciolà de oselet
che se ciama e se dis:
«Vardé sot a l pez,
anter tute ste rame,
el cret de se sconde
ma é belche capì
che l é un de lori.
De chi che ne ciama
e pò che ne ciapa,
de chi che ne varda
e pò che ne ol.
Ma lori no i sà
che le ale le mor
a stà senper de inte?
Che aon da fis-cià
fin drio a le sò ziese
per se tirà l fià?
Panegas e reguz
e nca voi gardelin
scanpé se podé
e no sté mai crede al Om;
l é pi besta de noi
e da le olte nca pedo!».
… sarà l fret o l prim scur
o sarà l chiet inte l bosch,
ma pede l mè pez,
da sto cin che son cua,
me sente foresto,
sol e arbandonà.
(Oltach)