Prose e poesie bellunesi 2006/XXV

Da Wikisource.
Jump to navigation Jump to search
Lucia Talamini De La Tela

Al Presepio ../XXIV ../ IncludiIntestazione 13 novembre 2015 50% Da definire

XXIV Prose e poesie bellunesi 2006

Lucia Talamini de la Tela (1957)

Al Presepio

Riede, l é deboto Nadal,
l é da se studià
par fèi al Presepio!
Chel Riedo Iesù
l à da podé nasse anche
intrà la nostra montes!
Par scomenzà
l é da parecia dó bas
an pian longo e dreto.
Daos beton na gran soada
con ize al zielo pien de stéles
e una che luse pi de chel’autres.
Su in ciou, poion doi peroi
ch i somea a la nostra crodes:
un l é Pelego e chel autro l é la Rochetes.
Dó par al iou
l à da ienì dó an ru
de aga an grun ferieda.
Ió porto ramete de pezuó
par fèi la nostra Viza
e, sote, slargo fora al mus-cio:
l é i pras da monte
agnó che i pastores
montea la besties a pascolà.
Sarae bel sentì la sanpognes,
ma se contenton de vede,
sora chi pras, an grun de fedes.
Puoco pi in là, al pastor pi vecio
al paussa su par pede al fuó
e n autro, pi dovin, al bete su legnes.
Dal pè del col fason su na stala
con ize an bò e an mus,
dó bas an cianà pien de fen.
Inpó sto cianà, la Madona
col velo su n testa
e San Iusepe col baston ize man.
Ades mancia Chel Riedo Iesù:
nó vedo l’ora che iene
la Medanuote Santa!
Alora dute insieme se ciataron
davante al nos presepio a preà:
“La Pas la see intrà de dute nosautre”.

(dicembre 2005)