Prose e poesie bellunesi 2008/La fiera di Sante
 |
Questo testo è da formattare. | |
| ◄ | 10 | 12 | ► |
ITALO DE CANDIDO CIANDON (1929)
La fiera di Sante.
Ogni an, al dì di Sante,
al mió paes iné fiera;
marcé de anbulante,
festa n tl atmosfera.
Me siento pizal ncamò
col palon tacó al spago
in bocia zucar filó
e spirto de bon svago.
Ma na procession trista
che vien fora dla gedia
me fa la vista
dla mió tragedia;
la doventù é passada
s à roto al spago dal palon:
cla procession é na parada
de prossima vision …
Vorà che l infinito
fosse noma na domela
par gode ncuriosito
duto chel c al svela:
inveze é tarde
curte le dornade
pensiere bastarde
tante le tonade.
Co duto sto umor
anche al cianto d un uzel
fa mal al cuor
nt al saroio dal ziel.
Aconpagna i mió silenze
l armonia de robe arcane
mute i mió sense
vano l assalto dle cianpane.
Ne n é nente da fei
al mió cor senza speme
é come n bodoi che deme
sote al nei.
(Sa Stefi)