Prose e poesie bellunesi 2008/La vecia coriera

Da Wikisource.
Piero Bressan Bernardi

La vecia coriera. ../9 ../11 IncludiIntestazione 27 febbraio 2016 50% Da definire

9 11


PIERO BRESSAN BERNARDI (1920)

La vecia coriera.

Na vecia coriera
dei ani che fu
la varde in sta foto
con mi montà su.

Vardandola ades
la par sbazegona
ma ai tenpi de alora
la parea na siorona.

No avee che zinch ani
apena sonai
con cuatro fassisti
insieme montai.

El Cesco dei Ganz
che l fea da sofòr
e insieme a tanti altri
mè santol Remor.

Sion pochi restai
de duta sta dent,
ò sol che n ricordo
stanpà te la ment.

Che bel da boceta
spetar vegner sera,
coi omi e coi conze
la vecia coriera.

Sessantazinch zerto
l é i ani che ncoi
podon ramentar
la foto de noi.

Te pense, o coriera
dal cuert postizà,
in mez nevegade,
stradon ingiarà.

En sani ai bagai
viandanti e a la posta
e a tute le sere
co fea la so sosta.

Encoi bele e lustre
le varde rivar,
ma proprio no ò pi
nissun da spetar.

2000 (Gosalt)