Prose e poesie bellunesi 2009/La mossa de Tizian
 |
Questo testo è da formattare. | |
| ◄ | 19 | 21 | ► |
GIANCARLO SORAVIA CAPOTO (1938)
La mossa de Tizian.
Mè nona n ota la m à contà che l pitor Tizian da Pieve, inte n viado che l avea fato par dì a Venezia, al s avea fermà a dormì inte na locanda, ma no l era restà par nia contento del servizio.
Par dispeto, inante de caminà, l avea piturà na merda sul lenzuó, co na mossa che ‘solea via par sora, proprio in medo al lieto. Al l avea fata cossita polito che chi de la locanda i credea che la fusse viera, i era dute inrabiade, e i era dude a parà via la mossa.
Ma cuan che i s à inacorto che la era solo che piturada, conpresa la mossa, e i à savesto che l era stada fata da n gran pitor, i se l à betuda via par recordo.
Le castagne de Hitler.
Chi da Venas i dèa a vende castagne, piere cuote, caramei, peverin e autra roba da magnà, do par l Italia e inte in Germania. An on da Venas l era a Monaco a la fin dei ane ’30 e l vendea castagne davante na cesa del centro. An dì, Hitler e i suoi i ien fotografade intan che i magna castagne da sto ca da Venas, e i ghi regala la foto.
I conta che cuan che l on l é tornà in Italia, par paura dei partigiani, no l s eve fidà a cenì la foto, e l eve brusada.
(Venas)