Prose e poesie bellunesi 2009/Al Baracoon de Socaanp. Inveer 2009

Da Wikisource.
Jump to navigation Jump to search
../20

../22 IncludiIntestazione 28 febbraio 2016 50% Da definire

20 22

ANONIMO


Al Baracoon de Socaanp. Inveer 2009.

Al don Faelo, calche an fa,
al scriea su par an tabià,
che co de neef n era egnù na bona pila,
al se aea scufà zu, su par la Vila.

Dit così tra l serio e l scherzos
duti cuainc l à metù in croos,
se l é vegnù zu no sté ve lagnà,
forsi le cavariade no era de cualità.

Aign indarè, su Insomaria,
i neodi de la Bia
i cressea come i foonch,
ie dis Bassi, ma i é anca loonch.

Par sguarezà con pi passioon,
intant ch i varzaa la televisioon,
i à vedù na diesena de scalmanai
ch i corea coi patani par chi prai.

I é zui su par chele sofite,
i à scaruzà anca inte n galineer de le pite,
in zerca de patani vege o feer da giaz
da mete sot ai zocoi, fra ponta e tac.

Inte n piaan, co la giaz viva,
che la é senpre lustra su Insomaria.
ie corea darè a na rodela de calche soort
coi patani sot ai piei, e calche bachet stoort.

Dapò, coi zapooign, badii e restiei
i é zui su inte busa di Scussìei,
andoe che inte i loch di Bacaaign
i avea ingrumà giara un di chi aign,

Iliò, andoe che l sool incapa sul Col Pelos,
i à slargà aiva par fà an bel foos
andoe che no se pùol molà ne fede ne conici,
parché anfin dapò Pasca non cres gnanca radici.

In prima, i zia zu co la schina e coi zanoge,
varguinc i se à intorcolà anche le conoge,
ma chi che zia sun cimitero, su par stradoon
i zigaa su: Bravi! Avé resoon!

Senza i fà dan a neguinc, senza smazà,
i se godea a core e sguarezà,
ma parchè la luoga la fosse pi segura,
i sùoi i à pensà de fà anca na cesura.

Chi che de fameia i fea i carpentìer,
ma anche botegheer e gelatìer,
con an pùoche de breghe e cuatro pai
inte de n boon strop ie à serai.

Se desseda chi cuatre ronzegoign, i sà dut lori,
adees i viaza in Merzedes e i fa i siori,
“che l Goerno al tire fùora le palanche, volon i schei,
che aon da fà su al Stadio de l Hockèy”.

Così an bel dì, via par metà stagioon,
i s incontra i Politici, fùora par Longaroon,
coi schei de l aiva che vanzon,
faron su al Stadio, parchè al volon.

Ma la neef la pesa, fioi!
No se pùol fà calcoli inte darioi,
a fà così no se à mai conbinà nia,
l é solche soldi butai via.

Dit e fat, al Sindico e la Aministrazioon
i fà su progeti, preventivi, dut an baloon,
visto che l CONI e chi da Roma ne dà dut
fon su l Stadio, come se fosse da fà su an condut.

Duti l vol, chi pi n vinte, chi pi n fùora,
de sot, de sora, sot e sora:
par al fato che in Comun i é stai mandai
i se sent “ELETTI”, no votai.

Fato stà che in freta e furia i l stanpa su,
senza pensà sora, al pùol anca tomà zu,
sora l dut par la pressa da fà,
senza varzà statica e cualità.

Al Sindico ancora al no se avea inparentà
con chi che mastegaa scoot, dut de n fià,
ma chi che l se avea toot a l daidà via
i era o massa zoven o boign da nia.

Fra chist l era anca n sogeto
che se permetea de criticà ogni progeto,
come se l fosse an inzenìer, firmà dotoor
anche se l no avea mai dormì coi muradoor.

Al cueert, aon vedù subito co i l à metù su
che l era destinà a tomà zu:
a l scuerze i à dorà le tegole canadesi,
che no le và proprio been par sti paesi.

Ma a sentì le Aministrazioign,
zia been dut, pagaa le anbizioign,
e po, popolo bue, che voleo ve lagnà,
dut chel che fon al ne vegn regalà.

Se varguinc i domandaa spiegazioon,
cuant che costa mantegnì sto baracoon,
zia via lustri o diesene de aign,
e su le carte se binaa le tele de raign.

Staota co na fiocada degna de sti pais
no n é pi come ch i disea, che “và dut slis”,
le tegole canadesi le à strafondù
e le breghe marze le é vegnude zu.

Alora, come che l aea scrit al don Faelo,
se mobilita al Comun … apriti cielo!!!
Par stà segur e no se ciapà taarz …
--- seré la strada, dut al mees de maarz!!!

Al Pierin in pax, pena de sora,
al ridarà conteent, porca malora:
“in chela ota, sa la Vila, me aé coionà
parché con doi breghe ve ai stropà,

nò na strada Stà-Taal e cuaal
come chela che và fùora par Canaal,
ma na stradela dantre al pais,
e fin chela ota l era zù dut slis”.

Inte chela cassela cuadrata, che inpizon par sentì le novità,
sion vegnui a saé che anca la Regioon se à interessà,
e an Belumat co la testa come n fiasco l à zurà
che par vendre tredes sarà dut sistemà.

“Sotto lo Stadio verrà aperta una bretella
che collegherà la strada di Longarone con quella
che sale allo Staulanza e all’Agordino
ed al comprensorio del Civetta qui vicino …”

Così i à dit e inprometù,
spetando che dal cueert la vegne zu:
sion pi segur che vedaron al ciaro de la lum
co insieme a l ainsuda luga … l Delegà da Belum.

“Cari Politici di ogni stirpe e razza,
scusate per questa satira un po’ pazza,
ma sappiamo che di promesse è prodigo ogni uomo.”

(Zoldo)