Rätoromanische chrestomathie X/Historias biblicas/Il viadi da Penjamin vers da Egipt
 |
Questo testo è completo. | |
| ◄ | Historias biblicas - Joseph seis frars nella praschun | Historias biblicas - Il pecher da Joseph | ► |
| [f. 8v] | La 22 Historia. |
Il viadi da Benjamin vers da Egipt.
Fratanto jet la grauneza eir in afin, il bab mandet amo üna jada vers Egipt. Qua dischet Juda: „Nus non daschiain gnir sott ils öls da quel hom, il qual sa comonda da tor con nus il plü juven frar. Da pur il puob con maj. Jau stun sajür per el“Finalmeng dischet Jacom: „Schi sto esser schi devaintarai.“
Piglia del plü buns frütts, et portai a quel per donativ. Pigliai amo taunt daner con vo, et il daner chia vo hauat chiata nels satschs eir pro; perchiai podess forsa esser devaintà ün errur. Et meis Dieu il omnipotaint, chia el vöglia a vus tauntüna far misericordia da sa lascher chiater, avaunt quist hom, chia el sa da, naun voss praschuna frar et eir mes chiar Penjamin. Ach jau stun tauntüna esser sco ün chio eis priva da totts meis uffaunts. Co po il cor da genituors amar usche intimaing. Ils frars da Joseph gnitan fortunaivelmaing con Penjamin, et cols donativs in Egipt. Haviond Joseph duldi chia Penjamin era pro els comondetal al directur da chiasa chial dess pagniar per els ün bun past. [f. 9r] Quist hom als mainet nella chiasa. Amo sott l’üsch chiasa tschiaunchiatni per via del daner chi havesian chiata in lur satschs. El stet per quai senza pisser, et det pavel a seis assens, et dischet con els, chia els dessan maingar quá jentar. Sün quai rizetni els infina chia Joseph gnit vers chiasa, seis donativs in regula. Cura chia el gnit aint crodetni els in schnuoglias, et minch’ün havet lur donativ in maun. El salüdet amiaivelmaing, et dischet: „Vai bain con quel bab il qual vu madischauat? Viva amo el — il vegl bab.“Els respondeten: „Noss bab, — teis famaigl viva amo, et al va bain.“Joseph det öl a Penjamin, et dumondet: „Eis quel voss plü juven frar?“Dieu ta benedeschia, tü meis figl: Dischet el con el, et quorit dalunga ora perchia seis cor ardet da pura chiarita vers seis frar. Las larmas jetan jo pels öls. El jet in l’ün lö sulatari, et cridet ora. Id eis be usche amur paterna. Davo chia Joseph havet lava sia fatschia, gnit el darchiau, et retegnit inavo las larmas et dischet: Ossa portai sü. Is’ metet pro maissa tenor lur eta, il vegl sü som et il juven jo som. Sur da quists as’ mariveglietni totts. Penjamin survegnit 1 jada da plü co ils atters.