Rätoromanische chrestomathie X/Historias biblicas/Maria
 |
Questo testo è completo. | |
| ◄ | Historias biblicas - Zacharias et Elisabeth | Historias biblicas - Maria pro Elisabeth | ► |
La II. Historia.
Maria.
A Nazareth üna pitschna cittaeta in Galilea vivet quiet una povra vergina. Ella sa notrit usche chiala era ora della schlatta reala da David dalla lavur da seis mauns. Un pover zimerman col nom Joseph qual era specialmg da tema da Dieu, havet l’impromissiun col temp dalla matrimoniar. Usche povra chi ella era in bains mundauns, usche richia era ella in virtüts. Ella era üna sonchia inocenzia et lapro la pura umiltà. Sein nom era Maria. Ella spetat con plain desideri sülla vegnüda del spendrader del Ciel. Provavelmaing simpisset ella, et apunto ossa simpisset ella davo e chia tras el dess tor part tott seis pövel dalla gronda salüd, et sa in schnuoglias in quieta devotiun in sia solituia chiombra. Quà comparit intüna jada l’aunguel da Dieu aint pro ella. Cun celestiala amicabilta dischet el con ella: „Siasch salüdada tü plaina da grazia! Il Segner eis con taj. [f. 36v] Tü eisch la plü benedida da tott tia generatiun.“Maria sa stramit sur da quista visiun et amo plü sur da quista tschauntschia. Ella simpisset via et naun chiai chia quist salüd haves da mamiar. Ma l’aunguel dischet confidaintamaing. Non ta temar Maria, perchia tü hast chiata grazia avaunt. Tü gnirasch la mama dün figl, et a quel dessasch dar il nom Jesus. Dieu il Segner tal dara il thrun da Deis bab David. El gnira da regnar sur la chiasa Jacom in etern. Seis rajnom Sara senza fin et senza confin. La modestia vergina usche bain chiala era impromissa a Joseph, non simpissetla amo sün ingüna conjugulaziun. Con rosir verginal dischet ella: „Co po quai esser? Jau non cognosch amo ingün. Launguel dischet: Il spiert sonch gnira sur da taj et la forza del atissen ta ombrivera. Perquai gnira teis sonch uffaunt nomna il figl da Dieu. Et timpaisa pur Elisabeth tia jaja gnira eir da survegniar ün figl amo in seis vegls dits et quai schon in trais mais. Perchia pro Dieu eis inguna chiasa impossibla. Maria sinclinet chiauol plain da grata adoraziun et dischet: Jau sun üna fantschella dal Segner. A maj devainte sco chia tü hasch dit. Et launguel la tralaschet.
A quel chials prophets havetan schon denunzia da dalong añunzieschia ossa launguel per prossim. La plü netta et la plü hümla figlia in Israel eis tscheirnu ora pella mama de Spendrader del mond.