Eir davo mezdì dessas far bunas ovras et assister al servezer divin: visitescha qualche baselgia, lea cudeschs spirituals, et instruescha tia glieut in la s. duttrina. Ta parchüra da totts quels fallamaints con quals quists [p. 200modifica]dits solitamaing vegnen dishonurats, e specialmaing veglia sur tia liaunga, — Sch’ün craja d’esser bun, e non refraina sia liaunga, schi s’ingianal, e sia pietà eis vauna. Jac. 1, 6. Perquai dessas 1. Non discuorrer massa bler, perchià pro ün chi discuorra massa bler non mancan pechiats. Prov. 10, 19. 2. Schgiva discuors malhonests, perchià quels corrumpan ils buns costüms. 3. Non discuorrer cunter l’honur del prossem. 4. Non discuorrer cuntra tia aigna persuasiun. 5. Maina discuors spirituals con teis uffauns e sudits da chiasa: examineschals dalla predia e duttrina, e del frütt chi haun laprò profittà. Schi non saun risponder schi minachials chiastjs per la jada prossima, [p. 158] et als metta eir ad effett. Per quista jada proponals tü qualchiassa, e mossals co chi haun d’applichiar.