Revistas Umoristicas e Satiricas/1
 |
Questo testo è completo. | |
| ◄ | Revistas Umoristicas e Satiricas | 2 | ► |
Crestomazia Retoromontscha VIII 
di Caspar Decurtins (1907)
Questo testo fa parte della raccolta Rätoromanische chrestomathie
| [p. 65] | 1. Il Clima d’Engiadina. |
La vall del ÖEN ais ün pajais
In tuot fich curius,
La sted co düra be trais mais,
Qualvoutas eir be duos,
5 E traunteraint, que so ’minchün,
Dür’ella eir be ÜN!
A mezza sted qualvoutas fo
Ün chod be da schlupper,
Ed il di zieva naiver po
10 Prezis sco nel mais Schner.
Têl fenomen inua chattais
Oter co cò in nos pajais?
[p. 66] L’inviern an’ s soula regaler
Sês mais con naiv adüna,
15 Qualvoutas poi, na taunt d’inrer,
Cur el ho noscha glüna,
An ’s ho el eir già regalo
Aunch’ün maiset sur il marcho!
La prümavaira pertuot ais
20 Stagiun zuond dechanteda,
In lö da fluors tar nus chattais
La glatscha sün la streda,
E scha fin Meg tuot ais terrain,
Pudains nus dir cha la vo bain.
25 L’utuon, in lö da squallatter
Gio dalla bos-cha frütta,
Gio dallas Alps stuvains retrer
Nossa muaglia sütta
E nossas vachas chi dal fraid
30 Soffran la fam ed eir la said.
Suot our la naiv suvenz chaver
Stuvains la mailinterra;
Taglier il graun, chi sü nel êr
La naiv ho miss per terra.
Artichels d’Engiadina
35 Sun NAIV, FRAID e PRUINA!
[p. 67] Eppür cun tuots ils agremaints
Del clima engiadinais,
Ils abitants vivan containts
Ed aman lur pajais;
40 Els mangian bain e baivan megl
Da gio MARTINA fin sün SEGL!
Scha fraid ais eir nos pajaiset
La patri’ amur ais choda,
E dappertuot suot ogni tet
Ad exclamer ün oda,
Perfin mettant fö ’n pigna:
»EVVIVA L’ENGIADINA!«