Alcünas Rimas Romanschas/23

Da Wikisource.
Jump to navigation Jump to search
../22

../24 IncludiIntestazione 10 settembre 2015 25% Da definire

22 24
[p. 94]

Nel god.


O god, o god, dilletta dmura!
Cur sun in tè sulet
Schi vain tiers mè Quel da sü sura,
E 'm impla con dallet!

5 Chers utschellets intuorn mè chaunten,
— Els am cognuoschen già —
Co mieus imaints a Dieu 's preschainten
Sentind l' allelujà.

Un ovelet con dutsch murmuri,
10 Sper mè vi passa our;
Dalöntsch del muond, con sieu schuschuri
Poss' eau urer da cour!

Dels böschs las tschimas as inclinen …
Sco uondas … sün il mer,
15 E mieu penser bain ingiuvinen,
E vöglen l' affirmer —

O god, o god, dilletta dmura!
Cur sun in tè sulet
Schi vain tiers mè Quel da sü sura,
20 E 'm impla con dallet!