Archivio Glottologico Italiano, vol. II, 1876/Lagomaggiore, Rime genovesi della fine del secolo XIII e del principio del XIV/CXXVI. Litera misa domino Conrado de Auria per Nic. de Castelliono
 |
Questo testo è completo. | |
CXXVI.
Litera misa domino Conrado de Auria per Nic. de Castelliono (ivi, tergo).
A l aoto e nobel armiraio
de excellentissimo avantaio,
chi sempre e da fir loao
4per le ovre che l a mostrao,
meser Corrao Doria e dito,
chi se po notar per scrito
de tar raixe eser insio
8chi tuto l arboro fa xorio,
Nicheroso da Castiion
con ognunchana devocion
si humelmenti se profer
12como de far servo a so ser.
quanvisde ch e sea certo
ch e vostro seno si experto,
che se zunta ge faesse
16penser o che no falisse,
no di vorea ma taxer,
ma no me ne posso astener
che la lengua non meta for
20de zo che monto habondo in cor.
e per zo, doze segnor me,
a voi aregordo de la parte de De
(chi dexiro con gram frevor
24cresimento de vostro onor),
che ve piaxa con gram cura,
per menar vita segura,
aver in sollicituden1 bonna
28en guardar vostra persona.
specialmenti voio e dir
che no se ve possa offerir
esca ni don soperzhoso
32donde l amo fosse ascoso;
ni in alcun aver fianza,
se no in proaa balanza:
l omo e ofeiso monta via
36de ver unde2 pu se fia.
ben so che letera savei,
e le gente d onde o sei;
ma tar mostra de for bello,
40chi a d entro cor rebello.
per che ve de monto piaxer
e da tuti lai per ver,
che sempre in mezo e da re sponde
44vostra gente ve circonde,
chi a in voi amor nativo,
de fe viva e cor puro,3
che voi avei visto e proai
48en li faiti strapassai.
De chi fe cel e terra,
veritai e chi mai no erra,4
ve guie e ve reze in quello stao
52donde o sseiai pu consolao.