Chanzuns Popularas Ladinas/48
 |
Questo testo è incompleto. | |
| ◄ | 47 | 49 | ► |
Nr. 48.
1. Cur ch’eau m’impais sün quell’ura crudella,
Ch’ais mieu destin d’avair da partir
E banduner la mia pü chera bella,
Que m’ais pü dür cu da murir.
2. Tschert la dolur, chi mieu cour tormainta,
Surpassa bger que ch’eau poss scriver sü.
Neir chat rimeidi, chi mieu cour containta.
Che mê sarò, cur ch’eau nun la vez pü?
3. Sch’ella savess, ch’eau saint taunta dolur
Aint in mieu cour, e que per causa sia,
Pü non tardess da fer palais l’amur,
Ch’ella in sieu cour per me nudria.
4. Zuond bgeras voutas he volieu prover,
Scha viver poss, non m’impissand ad ella.
Non ais sto mez, ch’eau la possa smancher,
Cha l’ais taunt graziusa e bella.
5. Eir bain sovenz m’avaiva eau decis,
Da la volair il tuot bain declarer.
D’ün di al oter sun passos ils dis;
Pü temp nun he eau uossa que da fer.
6. Bain sch’eau savess, ch’ell’am portess amur,
Vuless ir 16 scu per la dir addieu.
Nel medem temp la preschentess mieu cour,
Eir la gürand, cha quel ais tuot be sieu.
7. Scha fand que pass, non poss eau acquistei’
Que ch’eau taunt bram e he saimper bramo,
Cun grand dolur mieu viedi stögl fer
Cun spraunz in Dieu da la chatter darcho.
8. Alla dolur scha poss fer resistenza,
Vögl eau prover il tuot da supporter,
Rovand a Dieu per buna providenza,
Cha mieu retuorn am possa consoler.