Compendio biblico in lingua genovese/Chì se contèm como Saramon regnà in Ierusalem e ave la gracia de la sapiencia da lo nostro segnor Dee

Chì se contèm como Saramon regnà in Ierusalem e ave la gracia de la sapiencia da lo nostro segnor Dee

../Chì se contèm como Davit era re e fo elezuo pre lo povo d'Issael, e como per amó de Bezabet o fe morí Uria ../Chì se contèm como Saramon dè la sentencia de lo fantin de le doe femene peccarixe - regraciàn IncludiIntestazione 31 marzo 2014 75% Da definire

Questo testo è completo.

Anonimo - Compendio biblico in lingua genovese (1465)

Chì se contèm como Saramon regnà in Ierusalem e ave la gracia de la sapiencia da lo nostro segnor Dee

◄

Chì se contèm como Davit era re e fo elezuo pre lo povo d'Issael, e como per amó de Bezabet o fe morí Uria

Chì se contèm como Saramon dè la sentencia de lo fantin de le doe femene peccarixe - regraciàn

►

Chì se contèm como Saramon regnà in Ierusalem e ave la gracia de la sapiencia da lo nostro segnor Dee.

R

egnà Saramon e pigià per mogié la figia de lo re de Egito, de la qua ello ave um figio avanti che ella avesse agni XI. E persò dixem li Zué che ella avea infantao contra natura, e Saramon lo fe norigá in la cite' de Davi, inpersochè ello non ave' faito caza, persochè o pensava de fane una caza in lo tenpio de Dee. E si pensava de fá murá Ierusalem de tre' mure, soè che in lo promé murao fosse lo tenpio, e in l'atra parte fosse la caza reá e li soi officiari, e in lo segondo murao steisse li homi poderoxi e gentir, e in lo terso steisem li maistri de le arte, e poa che Saramon ave menao so mogié, si se ne ze in Ebrom e fe grande offerte a lo nostro segnor Dee, segondo che era costume, e si ge disse: "Demanda so che ti voi, e si te lo darò". Respoze Saramon: "E sum grasom, e si o pocho intendimento, per che e te prego che ti me dagi seno e siencia, asochè e possa reze e governá lo to povo, e interder bem e má".

Or, so che Saramon demandà piaxè monto a lo nostro segnor Dee, e si ge disse: "Persochè tu non m'ai demandao richesa ni le anime de li toi inimixi, pinamenti e te darò tanta richessa che non fo mai re chi n'avesse tanta, e averai vitoria sorva li toi inimixi, e anchora, sum la toa demanda, e te darò siencia e senno in ta mainera che o non fo mai nisum re avanti ti, ni depoí ti, chi mai fosse ni sarà si savio, e se ti anderai per la via de to paire, che ti oservi li mé comandamenti como fe to paire, e te stabilirò lo to regno per senpermai". E dessàse lantó Saramon, e si se ne tornà in Ierusalem e offerì le soe offerte a lo nostro segnor Dee.