Compendio biblico in lingua genovese/Chì se contèm da la morte de Saramon chi fo fin a Ioxep

Da Wikisource.
Jump to navigation Jump to search
Chì se contèm da la morte de Saramon chi fo fin a Ioxep

../Chì se contèm como Nabucdanozor preize Ierusalem fin a lo tenpo de Teris re de Persia chi per so comandamento retifichà lo tenpio ../Chì se contèm como Ierusalem fo sotemisso a li Romaim in lo tenpo de Ponpeo IncludiIntestazione 31 marzo 2014 75% Da definire

Chì se contèm da la morte de Saramon chi fo fin a Ioxep
Chì se contèm como Nabucdanozor preize Ierusalem fin a lo tenpo de Teris re de Persia chi per so comandamento retifichà lo tenpio Chì se contèm como Ierusalem fo sotemisso a li Romaim in lo tenpo de Ponpeo
[p. 41 modifica]

Chì se contèm da la morte de Saramon chi fo fin a Ioxep.


O dixe in lo libero de li re che da lo iorno che morì Saramo fin a lo tenpo che lo tenpio fo destruto si fo agni CCCCXI e meixi VI e iorni X, e fo da la primera cativetae de li figi d'Issael che insìm de Egito tan fin a quella cativetai de Nabucdonozor fon agni DCCLX. Or, quando Ioachim insì de Babilonia, si ave um figo chi ave nome Salatel, e Salatiel ave um figo chi ave nome Zarabobel, e Zarabobel ave um figo chi ave nome Abia, e Abia ave um figo chi ave nome Eliachim. E in quello tenpo si vegnem quelli de Antiochia sorve la citae de Ierusalem, e si non la poem prende, e lantora Iuda Machabeo si goerezà con soi frai, e con quelli o fe grande batage, e a la fin i desbaratàm tuti quelli de Antochia, e amasàgene asai de quelli. Or Eliachi ave um figo chi ave nome Abuit, e questo Abuit ave um figo chi ave nome Alchazal, e questo Alchazal ave um figo chi ave nome Matam, e Matam ave um figo chi ave nome Iacob, Iacob ave um figo chi ave nome Ioxep, era propiamenti de lo linago de la nostra Dona madona santa Maria Maire de lo nostro Segnor messé Ihu. Xe. E vegne cossì la generaciom dritamenti tam fin a nostra Dona da re Davit. E l'è staito senper uzansa, e è anchora, che caschu re fava scrive le soe generaciom, ma re Erodes, quando ello regnà sorve li figi d'Issael, non la fe scrive, persochè [p. 42 modifica]ello era homo de ví linago, e non cognossea niguna bona raxom per che o poisse lassá deré da ello de lo so linago, tuti li liberi chi ne parlavam o li fe bruxá, inpersochè tuti li avengelista aveam grande breiga de Ioxp[sic] e de nostra Dona madona santa Maria. Or questo Erodes stava in gracia e era nober homo, e ihamavam quella terra 'despoti', chi tanto vo di in gregescho como 'destruti', persochè elli eram insij de la soa terra per arcune discordie, e quelli si stavam inter la gente strangera1, e quelli tegneam li liberi con grande noberessa, persochè elli parlavam de tute generaciom dritamenti, da li pairi a li figi, e de lì preizem li evangelista la umana generaciom de lo nostro Segnor mesé Ihu. Xe. Mesé sam Maté si anoma Ioxep figo de Iacob , e mesé sam Lucha si lo piama figo de Eli, e de questo ne porea esse faito questiom, ma e vogo che voi sapiati[sic] che in quello tenpo era costume inter li Zué, che um so figo moriva sensa erei, l'atro pigava la mogé de lo frai morto e lo primo figo che ello n'avea si era piamato[sic] figo de lo primé, segondo lo lor ordem de la lor leze. Or Ioxep fo figo de lo segondo frae, nassando segondo natura de lo primé frai. Or Iacob chi era lo primé frae, preize mogé e morì e non ave nissum figor, unde o covegne che so frai pigasse soa chugná per mogé, segondo la lor leze, e n'ave um figo chi ave nome Ioxep, e era ihamao figo de Iacob, chi era so barba segondo la lor leze, e era figo de Eli segondo natura. Or messé sam Lucha dixe che da Davit tan fin a Ioxep si tre tute le generaciom per corso de natura, e messé sam Maté li tre per natura e per la leze, persochè ello era Zué e si savea le lor costume de le lor leze, e cossì piaschum de li evangelista dissem veritai de la generaciom de Ioxep e de Madona Sainta Maria.

Note

  1. str~gera con la tilde sopra la g