Cumplettaziun dal Cudesch civil svizzer/2/societad simpla

Da Wikisource.
../renta vitalizia

../societad collectiva IncludiIntestazione 29 giugno 2013 25% Da definire

2 - renta vitalizia 2 - societad collectiva

Ventgatraisavel titel: La societad simpla

Art. 530 1 La societad è in contract, cun il qual duas u pliras persunas uneschan lur forzas u lur meds finanzials per cuntanscher ina finamira communabla.

2 Ella è ina societad simpla en il senn da quest titel, uschenavant ch’ella n’ha betg il caracter distinctiv d’ina da las autras societads ch’èn regladas da la lescha.

2. Aboliziun unilaterala 3. Mort dal vitaliziari VI. Intransferibilitad, validaziun da pretensiuns en cas da concurs e da sequestraziun A. Noziun Dretg d’obligaziuns 198 220

Art. 531

1 Mintga associà ha da prestar ina contribuziun, saja quai en furma da daners, da chaussas, da credits u da lavur.

2 Ils associads han da prestar contribuziuns egualas che han da correspunder tenor la spezia e tenor la dimensiun a l’intent concludì da la societad, nun ch’i dettia ina cunvegna cuntraria.

3 Pertutgant il surpigliar la ristga e pertutgant l’obligaziun da dar garanzia vegnan applitgads ils princips dal contract da locaziun, uschenavant ch’il singul associà ha da surlaschar il diever d’ina chaussa, ed ils princips dal contract da cumpra, uschenavant ch’el ha da transferir la proprietad.

Art. 532

Mintga associà è obligà da parter cun ils auters associads in gudogn che appartegna tenor sia natira a la societad.

Art. 533

1 Mintga associà ha la medema part vi dal gudogn e vi da la perdita, senza resguard da la spezia e da la grondezza da sia contribuziun, nun ch’i dettia ina cunvegna cuntraria.

2 Sch’igl è vegnida concludida mo la part vi dal gudogn u mo la part vi da la perdita, vala quest conclus per tuts dus cas. 3 La cunvegna ch’in associà, che ha da contribuir lavur per l’intent cuminaivel, duaja avair part mo vi dal gudogn, ma betg vi da la perdita, è valaivla.

Art. 534

1 Ils conclus da la societad vegnan prendids cun il consentiment da tut ils associads. 2 Sch’il contract prevesa ina maioritad da las vuschs, correspunda quella a la pluralitad da las persunas.

Art. 535

1 La gestiun po vegnir ademplida da tut ils associads, nun ch’ella saja vegnida surdada tras contract u tras conclus exclusivamain ad in u a plirs associads u a terzas persunas.

2 Sche la gestiun po vegnir ademplida u da tuts u da plirs associads, po mintgin dad els agir senza la cooperaziun dals auters; mintgin dals auters associads che ha il dretg d’ademplir la gestiun ha dentant il dretg – faschond opposiziun – d’impedir quest agir, avant che quel saja cumplenì.

B. Relaziun dals associads tranter sai I. Contribuziuns II. Gudogn e perdita 1. Repartiziun dal gudogn 2. Participaziun al gudogn ed a la perdita III. Conclus da la societad IV. Gestiun Lescha federala davart la cumplettaziun dal Cudesch civil svizzer 199 220 3 Per nominar in mandatari general e per far acts giuridics che surpassan la gestiun ordinaria da las fatschentas cuminaivlas dovri il consentiment da tut ils associads, nun ch’i smanatschia in privel tras il retardament.

Art. 536

Nagins dals associads na dastgan far fatschentas per lur avantatg persunal che impedeschan u che pregiuditgeschan l’intent da la societad.

Art. 537

1 Sch’in dals associads ha fatg expensas u sch’el ha surpiglià obligaziuns per fatschentas da la societad e sch’el ha chaschunà perditas che stattan en in connex direct cun sia gestiun u sch’el ha chaschunà ristgas che n’èn betg separablas da la gestiun, ston ils auters associads star buns per el.

2 Per daners che l’associà dat sco anticipaziun po el pretender tschains a partir dal di ch’el ha dà quels.

3 El n’ha percunter betg il dretg da pretender ina bunificaziun per sias stentas persunalas.

Art. 538

1 Mintga associà è obligà d’applitgar quella premura e quel quità per las fatschentas da la societad ch’el impunda per sias atgnas fatschentas.

2 El stat bun vers ils ulteriurs associads per il donn ch’el ha chaschunà per sia culpa, senza pudair cumpensar quel cun ils avantatgs ch’el ha procurà a la societad cun autras chaschuns.

3 L’associà che ademplescha la gestiun e che survegn ina bunificaziun per sia lavur stat bun tenor las disposiziuns davart il mandat.

Art. 539

1 La cumpetenza d’ademplir la gestiun ch’è vegnida surdada ad in associà en il contract da societad na dastga ni vegnir retratga ni vegnir restrenschida dals auters associads senza motivs impurtants. 2 Sch’igl èn avant maun motivs impurtants, po la cumpetenza d’ademplir la gestiun vegnir retratga da mintgin dals associads er alura, sch’il contract da societad dispona insatge auter. 3 In motiv è en spezial avant maun, sche quel che ademplescha la gestiun è sa fatg culpabel d’ina greva violaziun da sias obligaziuns u sch’el ha pers l’abilitad d’ademplir la gestiun bain ed en urden. V. Responsabladad tranter sai 1. Scumond da concurrenza 2. Expensas, obligaziuns e prestaziuns dals associads 3. Mesira dal quità duaivel VI. Retratga e restricziun da la gestiun Dretg d’obligaziuns 200 220

Art. 540

1 Sch’i n’è betg previs insatge auter en las disposiziuns da quest titel u en il contract da societad, vegnan applitgadas las prescripziuns davart il mandat per la relaziun tranter l’associà che ademplescha la gestiun ed ils auters associads. 2 Sch’in associà che n’ha betg il dretg d’ademplir la gestiun, procura fatschentas da la societad u sch’in associà che ha il dretg d’ademplir la gestiun surpassa sias cumpetenzas, vegnan applitgadas las disposiziuns davart la gestiun senza mandat.

Art. 541

1 L’associà ch’è exclus da la gestiun ha il dretg da s’infurmar persunalmain davart l’andament da las fatschentas da la societad, da prender invista dals cudeschs da fatschenta e dals palpiris da la societad e da far per sasez ina survista davart il stadi da la facultad cuminaivla.

2 Ina cunvegna cuntraria è nunvalaivla. Art. 542


1 In associà na po betg admetter ina terza persuna en la societad senza il consentiment dals auters associads.

2 Sch’in associà lascha sa participar ina terza persuna vi da sia part u sch’el ceda a quella sia part, na daventa questa terza persuna betg associada cun ils auters e na survegn en spezial betg il dretg da prender invista da las fatschentas da la societad.

Art. 543

1 Sch’in associà fa fatschentas cun ina terza persuna sin quint da la fatschenta, dentant en ses agen num, daventa el sulet debitur u creditur vers questa terza persuna. 2 Sch’in associà fa fatschentas cun ina terza persuna en num da la societad u en num da tut ils associads, daventan ils ulteriurs associads debiturs u crediturs vers questa terza persuna mo uschenavant che quai correspunda a las disposiziuns da la represchentanza. 3 In’autorisaziun dal singul associà, da represchentar la societad u tut ils associads vers terzas persunas vegn supponida, uschespert che la gestiun è vegnida confidada ad el. Art. 544 1 Chaussas, dretgs reals u pretensiuns ch’èn vegnids transferids a la societad u ch’èn vegnids acquistads per la societad, tutgan cuminaivlamain als associads a norma dal contract da societad. VII. Associads ch’èn autorisads e che n’èn betg autorisads d’ademplir la gestiun 1. En general 2. Invista da las fatschentas da la societad VIII. Admissiun da novs associads e participaziun da terzas persunas C. Relaziun dals associads vers terzas persunas I. Represchentanza II. Effect da la represchentanza Lescha federala davart la cumplettaziun dal Cudesch civil svizzer 201 220 2 Per lur satisfacziun pon ils crediturs d’in associà far valair lur dretgs mo per la part da liquidaziun da lur debitur, nun ch’il contract da societad disponia autramain. 3 Sch’ils associads han surpiglià cuminaivlamain u tras represchentanza obligaziuns vers ina terza persuna, stattan els buns solidaricamain vers quella, cun la resalva d’ina cunvegna cuntraria. Art. 545 1 La societad vegn dissolvida: 1. sche la finamira, per la quala ella è vegnida fundada, è cuntanschida u sch’igl è daventà nunpussaivel da la cuntanscher; 2. sch’in associà mora e sch’i n’è betg vegnì concludì gia ordavant per quest cas, che la societad duaja vegnir cuntinuada cun ils ertavels; 3.234 sche la part da liquidaziun d’in associà è l’object d’ina utilisaziun sfurzada u sch’in associà fa concurs e vegn mess sut curatella cumplessiva; 4. tras ina cunvegna reciproca; 5. sch’il temp è scadì, per il qual la societad è vegnida fundada; 6. tras la desditga d’in dals associads, sch’ina tala desditga è resalvada en il contract da societad u sche la societad è vegnida fundada per ina durada illimitada u per il temp da vita d’in dals associads; 7. tras la sentenzia dal derschader, sche la societad duai vegnir dissolvida per in motiv impurtant. 2 Per motivs impurtants po la dissoluziun da la societad vegnir pretendida avant che la durada dal contract è scadida u, sch’il contract è vegnì fatg per ina durada illimitada, senza ina desditga precedenta. Art. 546 1 Sche la societad è vegnida fundada per ina durada illimitada u per il temp da vita d’in dals associads, po mintga associà desdir il contract, observond in termin da desditga da 6 mais. 2 La desditga duai dentant vegnir fatga en buna fai e betg da temp maladattà e dastga vegnir fatga mo per la fin d’in onn da gestiun per il cas ch’igl èn previs rendaquints annuals. 234 Versiun tenor la cifra 10 da l’agiunta tar la LF dals 19 da december 2008 (protecziun da creschids, dretg da persunas e dretg dals uffants), en vigur dapi il 1. da schaner 2013 (CULF 2011 725; Fegl uffizial federal 2006 7001) D. Finiziun da la societad I. Motivs da dissoluziun 1. En general 2. Societad da durada illimitadaDretg d’obligaziuns 202 220 3 Sch’ina societad ch’è vegnida fundada per in tschert temp vegn cuntinuada taciturnamain, suenter che quest temp è scadì, vala ella sco renovada per in temp illimità. Art. 547 1 Sche la societad vegn dissolvida en autra moda che tras desditga, exista vinavant la cumpetenza d’in associà d’ademplir la gestiun en sia favur, fin ch’el vegn a savair da la dissoluziun u ch’el stuess vegnir a savair da tala cun far l’attenziun duaivla. 2 Sche la societad vegn dissolvida tras la mort d’in associà, ha l’ertavel da quel d’annunziar immediatamain il mortori als auters associads e da cuntinuar en buna fai cun la gestiun da las fatschentas che ses testader sto far, fin ch’ins ha prendì las mesiras necessarias. 3 Ils auters associads han perentant da cuntinuar en medema moda e maniera cun la gestiun da las fatschentas. Art. 548 1 En cas da la liquidaziun, ch’ils associads han da far suenter che la societad è vegnida dissolvida, na vegnan las chaussas ch’in associà a appurtà sco proprietad en la societad betg restituidas ad el. 2 El ha dentant il dretg sin il pretsch, per il qual ils apports èn vegnids surpigliads. 3 Sch’in tal pretsch n’è betg vegnì determinà, po el pretender la valur che las chaussas avevan il mument ch’ellas èn vegnidas appurtadas. Art. 549 1 Sch’i resta in surpli suenter la deducziun dals debits cuminaivels, suenter la cumpensaziun da las expensas e da las anticipaziuns als singuls associads e suenter la restituziun dals imports da facultad, sto quest surpli vegnir repartì tranter ils associads sco gudogn. 2 Sche la facultad cuminaivla na basta betg – suenter ch’ils debits èn vegnids pajads e suenter che las expensas e che las anticipaziuns èn vegnidas cumpensadas – per restituir ils imports da facultad ch’èn vegnids appurtads, han ils associads da purtar questas mancanzas sco deficit.

Art. 550

1 La liquidaziun che suonda la dissoluziun da la societad sto vegnir fatga da tut ils associads en moda cuminaivla, inclusiv quels ch’èn stads exclus da la gestiun. II. Effect da la dissoluziun per la gestiun III. Liquidaziun 1. Tractament dals apports 2. Repartiziun dal surpli e dal deficit 3. Proceder tar la liquidaziun Lescha federala davart la cumplettaziun dal Cudesch civil svizzer 203 220 2 Sch’il contract da societad ha però pertutgà mo tschertas singulas fatschentas ch’in dals associads ha gì da procurar en ses agen num sin quint da la societad, ha quel da liquidar sulet questas fatschentas er suenter che la societad è vegnida dissolvida, ed ha da render quint als ulteriurs associads.

Art. 551

La dissoluziun da la societad na mida nagut vi da las obligaziuns ch’èn vegnidas surpigliadas vers terzas persunas. Terza partiziun:235 Las societads commerzialas e l’associaziun