E daj cont sto chez-nous

Da Wikisource.
Jump to navigation Jump to search
milanese

Carlo Porta 1811 E Poesie dialettali letteratura E daj cont sto chez-nous Intestazione 12 settembre 2008 75% letteratura

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT

 
E daj cont sto chez-nous: ma sanguanon!
Subet ch'el gh'ha sta gran cuccagna in Franza,
ghe va tant a andà foeura di cojon
e a tornà a cà a godella sta bondanza?

In quant a nun, s'el ne usa st'attenzion,
in contrassegn de grata regordanza
el scassem subet giò del tabellon
di balloss e di porch senza creanza.

Anzi, ch'el varda, vuj ch'el preghem fina
de no fà olter quand el riva a cà
che parlà maa de nun sira e mattina.

Inscì almanch podaravem lusingass
che paricc finalment, dandegh a trà,
barattass en el sit d'andà a seccass.