Historias dil munt sogn Gieri/27
 |
Questo testo è incompleto. | |
| ◄ | Historias dil munt sogn Gieri | Historias dil munt sogn Gieri | ► |
Conclusiun.
<poem> 3685 Il liber pur dil Vali oz meina tiegl altar La giuvna Floribella, che vul el compignar Dadens sur Tavanasa el spazius ucclaun, Che porta la cuort libra sil tschespet dad in maun. Ornad' ei la caplutta sil munt en il casti 3690 E bi solegl sclarescha tragl artg neu dal miezdi. La spusa Floribella ha il tschupi sin tgau E porta il bi mantel, ch' il Zipert ha portau. Il Bisch e sia Gielgia perdetga vulan star, El baun els seplazeschan avon il bi altar. 3695 En biala plauna nova va il spiritual Avon la crusch dil Segner cul calisch immortal. Gl' ani el benedescha, ch' il spus mett' en en det A la consorta sia sco in ligiom complet. La stola benedida el tschenta sin lur mauns 3700 En num de la Baselgia, la mumma dils carstgauns. Il sacerdot l' unfrenda al Segner dat pils spus, Ch' assistan en schenuglias ed uran pietus. E dalla meisa sontga il paun misterius Els gaudan en legria ensemen omisdus. 3705 Il Segner benedescha la ligia de lur cors, Lur olmas emplenescha cun ses divins tresors. E suenter en la sala serimnan a gentar Commembers de familia als spus cun gratular; Amiez la gasteria il Heinric de Canal 3710 Als giuvens dedichescha in plaid ed in boccal: „Da vegl enneu il Vali ei tratsch independent, Sulom romontsch e liber leu sur il Rein pussent. Ventira leu flureschi al ventireivel per, E novas rosas porti sper casa vies roser! 3715 La lada casa dubla tschentada ei sin mirs. Encunter mun sesanflan ils gronds tschalers segirs, Dadora si per scala ins pass' el clar suler, Che va per miez la casa tier stanzas per a per. Cun liungas travs tagliadas ei fatgs il casament 3720 E porscha cun spartgidas oreifer ruglament: Sin in maun stiva biala, en l' autra rimn' il pur La glieut tier la tschavera, fumeglia de lavur. Las combras en alzadas sesanflan si suren; Stupent ein cavegliadas las aultas preits de lenn. 3725 Il tetg de schlondas quarcla la bial' habitaziun, Barcuns encunter l' aura presteschan protecziun. Sper casa giu camina il dutg atras ils praus; Il begl de lenn leu speras sin crappa ei plazzaus; En quel la canaletta fa l' aua tschallatar, 3730 Tiel buntadoir ins catscha il muvel per buentar. Ord ils nuegls maneivels ins auda tschuts bischlond. Ch' enqueran la vivonda fermai en in cammon. La cuort ha bia cultira d' arar e de segar, Fumeglia ha il Sievi dal funds per raccoltar: 3735 Giarauns, risdivs, garnezis, per emplenir clavaus, Ch' ein baghegiai sper casa e spel curtin el claus. Pli ault si denter selvas sesanflan quolms dil matg, Ch' atunn e primavera al pur ein d' avantatg. Al pur jeu gratuleschel, che ha la possessiun: 3740 Sil prau ded agen tschespet el stat sco in barun. Tegn car, o Zievi Liber, tiu bi sulom patern, E sco in pur de vaglia a quel dai bien guvern! … Lu la schlateina tia po tschentaners flurir: Al pur solid fideivel franc aud' igl avegnir! 3745 O feglia Floribella, jeu hai a ti descret La nova patria tia: in liug de pasch quiet; Tiu spus fai ventireivels, ensemen leu stei bein, Ventir' a vossa casa da cor nus agurein!“ Il mardis scheiver tuorna a casa selegrond 3750 Il de Razen en schletta cun Gielgia d' Aspermont. Ed anavos tiel Vali, ch' el tegn fetg en honur Cun la consorta sia serend' il liber pur.