La fondazion di Venezia/Azione III
Aspetto
Questo testo è completo. |
Carlo Goldoni - La fondazion di Venezia (1736)
Azione III
◄ | Azione II | Azione IV | ► |
AZIONE TERZA.
Niso solo.
Figurarse, se voggio
Deventar matto con sto novo imbroggio.
Cossa ghe pensio mi de far l’amor?
Vardar, schizzar1 l’occhietto e suspirar,
Le xe cosse da matti da ligar.
Vôi tender al mio pesce;
El gusto del pescar za l’ò provà,
Nè me voggio intrigar in novità.
Che bel gusto a mezzo zorno
Star coll’amo in riva al mar,
E veder vegnir attorno
Mille pesci a bagolar2:
Chi nol prova, dir nol sa.
Quando i scampa, e l’amo i tocca,
Ingannai se tira su,
Ma co i chiappa l’amo in bocca,
I è cuccai3, no i scampa più:
Mazor gusto no se dà. (parte