Le monete di Venezia/Documento XXI
 |
Questo testo è completo. | |
| ◄ | Documento XX | Documento XXII | ► |
DOCUMENTO XXI.
(pag. 245).
MCCCCXVII, die XI novenibris.
- Capta.
Cumzosiachè la nostra cecha da l’arzento bexogne de grandissima e notabel reformation, perchè da molti mexi in qua la è andà in dessolntion e reduta quasi a niente, e per questo l’è anche desviado el corso e la mercadantia de l’arzento in Veniexia, la qual cossa è retornada et ogni di pluj retorna a danno grandissimo del nostro comun, si cercha la utilità che se soleva recever de la cecha, chomo di datii nostri, e de la università de la merchadantia e de molte fameie le qual viveva de quel mestier, le qual se desperde; e oltra de questo le monede che se fa al presente se fano cum si pocha raxon e ordene, che l’è cum grandissima infamia de la nostra Signoria e pocho contentamento de tuti i nostri subditi; Et el sia utilissima cossa e honor nostro a far bona provision, si per rodur el corso de l’arzento, corno per che el nostro comun non sia fraudado e chel se faza bone monede; Anderà parte che da mo avanti el se debia observar li ordeni infrascritti:
Prima, per che li ordeni e muodi di quinti i qual se oserva al presente, si in lo affinar de l’arzento corno in lo apresentar al pexo de comun a Rialto, son sì scuri che solo Dio porave guardarsse chel non fosse fato grandissimo dano al nostro comun; Sia ordenado che da mo avanti non se meta pluj quinti in cecha, ma debiasse observar jomo qui de soto se noterà.
Che tuto l’arzento che serà conduto a Veniexia se debia apresentar al pexo de Rialto, segondo li ordeni che se contien in lo capitolar del dito offitio, i quali son utili e boni, e quelli se debia in tuto oservar cum le pene e muodi che in quelli se contien. Dechiarando che cussi corno l’arzento che se apresenta al dito pexo de Rialto, è uxado de se ri verse per man del scrivan del dito pexo, cussi se debia anche notar e scriver per man de uno di officiali nostri del dito pexo. Et chadaun de lor sìa tegnudi, de quatro in quatro mexi, notar insembre cum el scrivan, corno è dito, suxo un quaderno tuto l’arzento che serà apresentado al so offitio. E oltra questo sia tegnudo el scrivan notar tuto el dito arzento ordenadamente suxo un libro grando over mare, che romagna sempre in lo offitio a caxon che perdandosse i diti quaderni sempre se possa veder l’arzento che serà apresentado.
Item che tuti quelli che apresentarà arzento al pexo de Rialto, per portarlo a affinar ala moneda, e per simele queli che avesse comprado, debia portar quelo ad afinar cum li muodi e ordeni che se al dito offitio del pexo de l’arzento de Rialto. E azò che le cosse vada pluj ordenadamente, sia tegnudi i diti offitiali dal pexo de Rialto notar su i suo libri quelo argento che se porterà ad affinar ala moneda, e de che sorta arzento el sera, e far una cetola cum la suo bolla a queli che porterà l’arzento ad affinar. Su la qual sia notà le marche, le onze e li quarti che pexerà el dito arzento. Notando la qualità over sorta de cadaun arzento da per si, e altramente non se possa portar, algun arzento ad affinar per algun muodo. La qual cetola se debia apresentar ai masseri de la moneda da sen Marcho, over a quello a chi tocherà star ala affinaria de l’arzento, el qual debia notar sul so libro, e per simele el so scrivan, tuto l’arzento camerado che serà portado ad affinar chomo se contignerà suxo la cetola che farà e manderà i officiali dal pexo de Rialto. E debia notar cadauna persona de chi serà el dito arzento da per si. E quando el dito arzento serà affinado e bolado e batudo, debiasse pexar a ponto, presente el masser da la finaria. Et coluj de chi serà l’arzento debia de presente pagar al masser che serà a recever Tarzento per far moneda, grossi quatro et un quarto a oro per marcha, che vien ducati tre e grossi do a oro per cento. E no se debia muover el dito arzento sei non serà pagado corno è dito.
Et infin da mo sia ordenado chel se debia fai* un sufficiente scrivan ala dita affinaria de l’arzento per scrutinio de misser, consejeri, cavi e masseri da Tarzento, perchè altramente non se poria far, el qual sia pratico in tegnir de le raxon et in lo pexar de l’arzento; el qual habia de salario ducati LXXX a l’ano per avjr persona ben sufficiente, cumzosiachè tuto el fondamento de questi fati principa .mente consiste a regolar la affinaria de l’arzento ala moneda per muodo che lo cosse vada si chiare che algun ingano non possa esser fato.
Et azò che le cosse vada cum ordene e qualitade, debia i diti tre masseri partira© in questo muodo, zoè l’un a recever l’arzento del qual se farà moneda, l’altro ai tornexi e ai pizoli, e l’altro a la affinaria de l’arzento. E de quatro in quatro mexi se debia cambiar da offitio a offitio cadaun de lor. E quel masser che serà ala affinaria de l’arzento per i suo 4 mexi debia notar suxo uno quaderno tuto l’arzento camerado che se porterà ad affinar ala moneda; e simelmentre el scrivan suxo un altro quaderno corno de sovra è dito. E oltra de questo el dito scrivan debia notar simelmente suxo una mare azò che sempre se possa ben veder quelo che serà fato ala dita affinaria. E azò che, le cosse se scontro e sia ben chiare, debiasse principiar a notar in uno medemo tempo tute queste cosse al pexo de Rialto, e ala affinaria de l’arzento, si che l’un offitio e l’altro se possa ben intender e scontrar. E sia tegnudo el dito masser da la affinaria, subito complidi i suo 4 mesi, e per simele queli dal pexo de Rialto, mandar i suo libri ai officiali da le raxon nuove azò chel se possa veder chiaramente sei nostro comun averà recevudo algun ingano.
E simeimente el masser che receve l’arzento per far moneda, complidi i suo 4 mexi, debia pluj presto che se porà soldar le suo raxon e portar i suoi libri ai diti officiali de le raxon nuove azò che i possa veder la raxon del nostro comnn.
E perchè molte volte vien apichado de le peze che se affina ala dita moneda, le qual se convien voltar perchè a quelli de chi serà l’arzento bexogna ale fiade aver monede basse per acompagnar quele peze apichade; sia ordenado chel non se possa recever algun arzento camerado ad affinar senza la poliza de quelli dal pexo de Rialto, corno è dito; el qual arzento apichado abia termene ad esser voltado e fato de boia infra otto di. E quando el dito arzento serà bolado e batudo corno è dito, se debia pexar per lo muodo predito, e pagar grossi 4 e uno quarto per marcha; et per algun muodo non se possa recever questo pagamento sei non serà prima bolado e batudo a raxon che tuto vada regoladamente.
Item, perchè molte volte se porta ad affinar arzento che tien oro, sia ordenado che quando el serà afinado, el se debia pexar aponto corno è dito de sovra, e pagar per ogni marcha i diti grossi 4 T/4. E perchè el dito arzento dorado se convien partir, e un altra volta se convignerà portar ad affinar, debiasse de questo tal arzento far chiareza suxo i libri de la affinaria per muodo chel nostro comun^ non sia inganado.
Et de tu ti i deneri che receverà el masser che lavora l’arzento, zoè i diti grossi 4 e un quarto per marcha de l’arzento de boia afinado a la moneda, se debia far e seguir corno se feva de la utilitade de quinti, zoè in far quelle spexe che bexognerà. E lo resto, complidi i suo quatro mexi, debia dessignar segondo uxanza al masser di tornexi e di pizoli, per far tornexi e pizoli corno se contien in le parte et ordeni che parla sovra de zo.
Anchora, che l’arzento che serà portado ad affinar ala moneda non se possa meter in fuogo ad affinar senza parola del masser o del scrivan dala affinarla, si che sempre al men uno de lor sia presente quando se deverà meter ad afinar. E se algun affinador metesse in fuogo ad affinar senza parola, corno è dito, caza in pena de libre X de pizoli per cadauna fiada. E cadaun mercadante che metesse o fesse meter contra l’ordene predito, caza de libre L per zascaduna fiada; le qual pene debia scuoder i masseri sovraditi de la cecha da l’arzento, de le qual el terzo sia del nostro comun, e ì altri do terzi se parta entro i diti masseri e tutti i scrivani de la dita cecha, zoè de la affinaria e de l’arzento e di tornexi e pizoli, segondo chomo se suol partir le altre suo utilitade.
E debia el dito masser da la affinaria, e el so scrivan, tegnir si chiaramente tuto il conto e le raxon de l’arzento camerado che se porta ala finaria, e per simel de quello che romagnerà de boia, che el nostro comun non possa per algun muodo esser inganado.
E de tuto T arzento che serà affinado e bolado e averà pagado i diti grossi 4 e un quarto per marcha, sia tegnudi quelli de chi el serà meter un quarto in cecha per far moneda, azò che la nostra moneda non manche. E se i vorà meterne pluj, questo sia in so libertade, e debia pagar la fatura deputada segondo li muodi e ordeni infrascriti; e habia pexo per pexo; e questo quarto debia haver messo fra otto di dapuò chel serà affinado e bolado soto pena del quarto per cadaun che contrafesse e zaschaduna fiada, la qual pena se scuoda e parta como è dito de le altre de sovra.
Item, che zaschaduna persona, si teriera corno forestiera, possa comprar argento francho, e quelo possa trar de Veniexia per zaschaduna parte e luogo, per mar o per terra, senza pagar alguna cossa, e anche possa meter in cecha a far moneda, habiando pexo per pexo, e pagando lo fature ordenade del lavorar de la dita moneda corno se fa del quarto sovradito.
Et azò chel sia dado materia a tu ti de condur arzento a Veniexia, e che i mercadanti forestieri veza esser ben tractadi, sia prexo e ordenado: che algun over alguni compradori de arzento non possa far conventicole nè compagnie contra over a dano de qneli che conduxe l’arzento a Veniexia per vender; e anchora che subito vendudo e pexado l’arzento, se faza i pagamenti segondo i ordeni e soto quele pene che se contien in lo capitolar de queli dal pexo de Rialto; li qual ordeni, si de le compagnie corno del pagamento e in tute altre cosse, i i diti officiali dal pexo debia del tuto observar e mandar ad execution soto pena de libre CC in li suo proprii beni. E zaschadun li possa acusar, si ai Avogadori de comun corno ai provededori, e a tu ti officiali de contrabandi, se i contrafarà; de la qual pena la mitade sia del acusador e l’altra mitade se parta tra el nostro comun e queli officiali a chi serà fata la cusa, e non se possa far alguna gratia soto quela medema pena.
Perchè l’è ordene ala cecha de la moneda, che le monede che se lavora debia andar libre XXVII soldi IIII per marcha, el qual ordene fo fato quando el ducato valeva soldi 93; el qual ampuo za bon tempo non è sta oservado nè se poria oservar, perchè zustandosse le monede segondo quel ordene, algun non poria meter arzento in cecha, vaiando el ducato soldi cento, per che li ne perderia grossamente, e cussi i’arzento no seria mai conduto in Veniexia. E benché la cerila habia lavorado in fin per tutto 1415, questo è stado perchè le monede non se mondava nò zustava; e le monede che insiva de la cecha era si varie e inequal che tute se trabuchava; e da le grieve a le leziere iera tanta deferentia che le leziere che romagniva e che se spendeva in questa terra andeva da Livre 32 infina 32 \, per marcha, e questa iera et è pessima moneda e cum infamia de la nostra Signoria e pocho contento de tuti. E fazando provision che le monede vada soldi G per ducato, seguirà molti beni, prima che la nostra moneda serà bela e bona, e la cecha lavorerà, e tanta maistranza cum le suo fameie viverà, e serà principal caxon de far condur arzento a Veniexia, e porasse meter in cecha cnm avantazio e sostignerasse l’arzento al corso uxado de ducati V e grossi XVIII la marcha. Pertanto sia ordenado che da mo avanti le monede se debia far e lavorar per muodo che le vada livre XXVIIIIsoldi VIIIIper marcha; le qual, melando l’arzento ducati V grossi XVIII la marcha, e metando la spexa de la fàtura, vien a ponto soldi C per ducato. Dechiarando che la mitade se faza in grossi e la mitade in soldi, pagando i grossi de spexa, de fatura, soldi XII per ogni marcha; e i soldi, soldi XVI per marcha, che vien a esser soto sovra soldi XIIU de spexa per ogni marcha. E debiasse observar queli muodi e ordeni a zustar, pexar, e mondar e lavorar la dita moneda, li qual mo nuovamente son stadi trovadi e ordenadi per li masseri de la cecha e per ser Alvise Corner e ser Antuonio Miorato, azò che le monede se faza zuste, bone et egual, si che le non se possa trabuchar. E ben che ogni moneda al mondo se possa trabuchar, senza dubio, observandosse li muodi e ordeni prediti, questa moneda serà si zusta e cum tanta raxon, che pur trabuchandosse, la utilità serà si pizola, che serà a dir niente, et algun non vorà perder tanto tempo per si minima cossa. E azò che la sia sempre lavorada cum li muodi e ordeni debiti, sia tegnudi i officiali da le raxon nuove, o almen un de lor, andar una fiada al mexe almen a veder chel sia lavorado e observado l’ordene soprascrito, e referir ala Signoria nostra azò che questo dura, e che sei serà bexogno far alguna provision, la se possa far.
Item chel sia fati do gastoldi de puovolo, i qual sia pratichi in lo mestier de mondar e zustar la moneda, e de bona fama; i qual se faza tra missier, consejeri, cavi e masseri de la moneda de l’arzento per scrutinio, cum salario de ducati XXX a l’ano por cadaun, e habia le soe regalie. Dechiarando che li non possa far in la dita cecha algun lavorier che apartegna ala dita moneda, azò che i sia pluj soliciti e atenti a far el so offitio. E questi gastoldi, sempre quando so menderà e zusterà la moneda, debia esser ai luogi deputadi, dove se menda e zusta la moneda, e debia molte fiade al di guardai* se i diti mendadori e zustadori lavorerà la moneda cum i muodi e ordeni che li serà dadi per li masseri de la moneda. E se i diti gastoldi troverà algun mendador o zustador che non lavorasse le dite monede per li muodi prediti, debia quelli manifestar a masseri soto pena de privation del hoffitio; i qual masseri debia condonar queli che non farà el so dover libre X de pizoli per cadauna fiada. E se i serà trovadi in fallo da tre volte in suxo, sia privadi per uno anno de non poder lavorar ala moneda. E de le dite pene non possa esserli fato gratia per algun muodo. E le pene pecuniarie predite se parta tra i masseri e gastoldi e scrivani.
E quando la moneda serà mendada e zustada, avanti che la sia dada ala maistranza di ovrieri a lavorarla, debia i diti gastoldi un’altra volta solenemente examinarla se la serà ben lavorada; e trovando algun fallo, se debia conzar a le spexe de quelli che serà stadi colpevoli, e condonarli per lo muodo dito de sovra. E da può che la moneda serà stada in man di ovrieri, quando la serà complida per dar a stampir, debia anchora esser ben examinada por li diti gastoldi, e per un di masseri de la moneda, se la sta ben chomo la die; e trovando algun fallo, se debia conzar a spexe de queli che ne serà stadi colpevelli, e caza a quelle pene che s’è dite di mendadori e zustadori.
I stampidori che stampisse la moneda sia tegnudi stampirla per lo muodo che li serà commesso per i masseri; e se i serà trovadi in algun fallo, che quela moneda sia desfata e refata a le spexe de queli che averà falido. E se i cazerà in questo defeto’ da tre volte in suxo, sia privadi per uno ano che li non possa lavorar algnn lavorier in la dita moneda.
E se i diti masseri de la moneda trovasse algun di prediti in algun fallo, e a queli non desse la pena predita, incora a pena de livre C per zaschadun, e zaschaduna fiada; la quale pena se scuoda per li officiali da le raxon habiando parte corno de le altre del so offitio.
E per dar materia a zaschadun che conduga arzento a Veniexia, per lo gran benefitio che siegue a la terra nostra, sia ordenado che zaschaduna persona, si terriera corno forestiera, che meterà arzento in Cecha li sia dado pexo per pexo e mezi grossi e mezi soldi; e debia pagar per fatura soldi Vili de pizoli solamente, e lo resto, che è soldi VI, vada a spexe del nostro comun per la utilità che l’a da grossi IIII 1/4 per marcha de tutto l’arzento che vien affinado a la cecha corno è dito de sovra.
L’ordene che die dar i masseri de la moneda ai lavoradori si è questo: Prima ai mendadori sia dadi i pexi i qual sono fati per la pruova fata nuovamente. E apresso quante monede die andar per marcha che son per numero Libre 29 soldi 9 pizoii.
Quello che die far li ovrieri si ò che la moneda sia ben tonda e ben fata corno la die esser de raxon.
Ai stampidori che la sia ben e diligentemente stampida chomo la die esser de raxon.
Spexe de fature per i soldi per ogni marcha:
per i masseri per marcha soldi 1 pizoli 0 per lo pexador » » » 0 » 3 per i gastoldi » » » 0 » 4 per i scrivani » » » 0 » 3 per i fondadori » » » 0 » 6 per i ovrieri » » » 5 » 0 per i mendadori » » » 3 » 0 per i stampidori » » » 3 » 0 per i cali del fondedor e altri
cali uxadi» » » 2 » 6.
Suma soldi 15 pizoli 10.
Spexe de fature per i grossi per ogni marcha:
per i masseri per marcha soldi 1 pizoli 0 per lo pexador » » » 0 » 3 per i gastoldi » » » 0 » 4 per i scrivani » » » 0 » 3 per i fondadori » » » 0 » 6 per i ovrieri » » » 3 » 0 per i mendadori » » » 1 » 4 per i stampidori » » » 1 » 4 per i cali del fondedor e altri
cali uxadi» » » 2 » 6.
Suma soldi 10 pizoli 6.
Suma la spexa de la fatura di soldi e grossi, soldi 26 pizoli 4, che vien per mità soldi 13 pizoli 2 per marcha. Avanza al nostro comun pizoli 10 per marcha.
De parte 95; — de non 14; — non sinceri 4.
Senato, Misti, reg. 52, carte 54 tergo.