Nouvas Rimas/16
 |
Questo testo è completo. | |
| ◄ | 15 | 17 | ► |
Crestomazia Retoromontscha VIII 
di Caspar Decurtins (1907)
Questo testo fa parte della raccolta Rätoromanische chrestomathie
| [p. 72] | Addieu. |
(Suainter: Byron.)
Addieu! addieu! Sch’eir per adüna,
Schi stu tuottün’addieu at dir;
Scha eir tieu cour mê nu’ m perduna
Eau t’ödier nun poss per sgür!
5 Scha quaist mieu pet, sül quel la saira
Suvenz posò hest tieu bel chò,
In sonnolenza dutscha, vaira
Tü lam repos hest rechattò,
S’avriss dandet in tia presenza
10 E ler podassast tü loaint,
Allur’ sgür’ vessast tü evdaunza,
Cha meritò nun he tieu plaunt!
Dal muond sarost (chi so?) stimeda
Sur mia dolur de vzand sorrir,
15 Mo tres ün lod sarost blesseda,
Chi oter cour in tocs fò ir.
Scha all’ ma transgressiun füt granda,
Schi’ l cuolp stuvaiva forsa der,
Chi tres sa bratsch’am fet ghirlanda
20 E sten sül cour’ m volet serrer?
Scha eir l’amur bain bod declina
Tuottüna stust tü bain savair,
Da divorzier duos cours üngüna
Umauna forza ho’ l podair!
25 Tieu cour ch’el saja eir plain d’ vita,
Cha mieu pür saja d’ saung bagnò
Ad amenduos la melavita
Disgiunts dad esser saimper cò!
Zuond dolurusa ais la paina,
30 Pü cu il plaunt sün fraid vasché,
Da vair cur l’alb’in tschel seraina,
Nos let vaidguò pürmemm’usché!
Voust tü, cur nos infaunt cumainza
[p. 74] A custabger, ad el musser
35 A clamer: «Bap!» quel bap, chi spraunza
Mê pü avrò da l’abratscher!
Cur el ’t fò cleg e bütschs at duna,
T’impais’allura eir sün me.
Eau at giavüsch da cour fortüna,
40 E sfortünò sun sainza te!
Ed haun sieus tratts ün po sumgiaunza
Con quel cha tü nun voust pü vair?
Allur’ d’ mieu cour la pitschna staunza
Sarò commossa tres plaschair.
45 Mieus fals cognuoschast bain avuonda,
Mo na l’amur, ch’eau saint per te!
L’intera spraunza mia as fuonda
In te; dalöntsch ell’ais con te!
Resentimaint chi nu ’s comprenda,
50 Superb, alter chi mê pliet,
Davaunt te plia, sclev as renda
Avaunt chi uossa am sbüttet!
Tuot ais passò! La vusch svanescha,
La vusch gnid’our dal fopp del cour;
55 Üngüna forza confinescha
L’impissamaint cur voul gnir our!
Addieu! Stò bain tü! La leidezza
Pigliet comiò da me! Disgiunt
Da tuot il muond, cò in tristezza
60 A me bainvis l’extrem tramunt!
1857.