O beàz in chest mont iu agricoltórs

Da Wikisource.
friulano

Giovanni Giuseppe Bosizio XVIII secolo Testi friulani del XVIII secolo O beàz in chest mont iu agricoltórs (Des Gjeorgjichis) Intestazione 9 novembre 2021 75% Da definire

O beàz in chest mont iu agricoltórs
se cognossin la so felizzitàt!
Lontan afat dai belicós furórs
la tiara cun iustizia e caritàt
ben fazzilmenti ‘i premia i lor sudórs.
Se ben d’una pomposa vanitàt
non gioldin, ze à ze fà? che il ric tesaur
gioldin de ciara pas e ‘l secul d’aur.

Se ben acólz in un palaz real
squadris d’adulatórs no iu cortezin;
se ben in chel magnific augustàl
di porpora vistúz non si vaghezin,
e fra i splendórs che ciec fan il mortal,
non si dà il cas che lor si pavonezin;
vivin però una vita che d’ingiàns
libera è simpri e di pensièrs tirans.

Vita felíz che di tros bens abonda,
vita inozzènt che del so propri frut
in vaga possession ricia e feconda
si mantèn simpri, e va gioldínt par dut
di grotàms, di vifs lacs, d’ogni gioconda
amenitàt il plazzit usufrút.
La ralegra dei bus sin il mugít
e sot l’arbul si dona al sun gradit.

No ‘i mancin boscs ombrós, covis di fieris,
né zovintút pazient a la fadia
e usada al vivi parc. In ches rivieris
regna la religion e l’etàt pia
dei veciéz onoràz. Nei secui vieris
l’iniquitàt e l’aspra tirania
fè ritirà dentri a chel sagri asil
la iustizia, che dopo a è lada il zil.