Pagina:Catullo e Lesbia.djvu/170

Da Wikisource.
Jump to navigation Jump to search
164 parte prima.

[VII]


Quæris quot mihi basiationes
Tuæ, Lesbia, sint satis superque?
Quam magnus numerus Libyssæ harenæ
4Laserpiciferis iacet Cyrenis,
Oraclum Jovis inter æstuosi
Et Batti veteris sacrum sepulcrum.
Aut quam sidera multa, cum tacet nox,
8Furtivos hominum vident amores;

Tam te basia multa basiare
Vesano satis et super Catullo est,
Quæ nec pernumerare curiosi
12Possint, nec mala fascinare lingua.